Charter Document - 06190274

Innocentius episcopus servus servorum Dei dilectis filiis Abbati et conventui Cluniacensi salutem et apostolicam benedictionem Favore vestre religionis inducimur ut de gratia in gratiam provehentes vos donis gratuitis et potioribus gratiis honoremus Cum igitur vobis nuper duxerimus indulgendum ut ad nullius receptiones vel provisiones compelli possitis per litteras apostolicas impetratas vel etiam impetrandas quomodocunque generales vel speciales fuerint nisi nominatim de ordine Cluniacensi et ipsa indulgentia plenarium ex expressam fecerint mentionem Nos volentes vobis facere gratiam pleniorem tuis fili Abbas precibus inclinati vobis et ordini vestro auctoritate presentis indulgemus ut nulli deinceps per litteras apostolice sedis vel legatorum ipsius impetratas dummodo non sit per eas jus alicui requisitum vel etiam impetrandum etiam si contineant in eis quod aliqua ipsius sedis indulgentia non obsistat possit de prioratibus decanatibus grangiis ecclesiis beneficiis suis reditibus ad jus vel fratres ordinis vestri spectantibus provideri aut assignari vel conferri pensiones in eis nisi de verbo in verbum in eisdem litteris totus tenor presentis indulgentie sit insertus Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Lugduni ix Kalendas Novembris pontificatus nostri anno octavo