Charter Document - 06190258

Sciant presentes et futuri quod ego Jacobus senescallus Scotie dedi concessi et hac presenti carta mea confirmavi divine caritatis intuitu pro salute anime mee Alexandri regis Scotie omnium antecessorum meorum et successorum Deo et beate Marie Virgini et Sanctis Jacobo et Mirino Abbati et conventui de Passelet et monachis ibidem Deo servientibus et inperpetuum servituris liberum transitum aque de Kertloucwynhok inter meum yar de Hachindunan de exitu lacus mei de Loucwynhok et ly yar de Lyncleyft quod est dictorum monachorum Abbatis et conventus sine impedimento seu obstaculo quocunque ita quod [nec] ego nec heredes mei fieri permitteremus per nos seu alios quoscunque aliquod yar impedimentum piscariam obstaculum seu clausuram inter meum yar de Hachyndunan et yar de Lyncleyf supradictum per quod commodum piscarie de yar de Lyncleyf supradictum quod est dictorum Abbatis et conventus in aliquo poterit diminui seu damnificari ita tamen quod licebit mihi et heredibus meis dictum yar de Hachindunan alibi super aquam de Kertloucwynhok infra terram meam mutare et facere ita quod nullum yar seu piscariam preter unum tantum inter lacum Loucwynhok et dictum yar de Lencleyf habebimus seu fieri faciemus aut permittemus Tenendum et habendum de me et heredibus meis in liberam puram et perpetuam elemosinam adeo libere quiete et pacifice sicut aliqua elemosina in regno Scotie tenetur et possidetur Quam quidem donationem concessionem et confirmationem ego et heredes mei contra omnes homines et feminas warantizabimus acquietabimus et inperpetuum defendemus In cujus rei testimonium presenti carte sigillum meum feci apponi Hiis testibus dominis Alexandro de Lyndesay Reginaldo de Crauford Waltero de Lyndsay Dauid de Lyndesay militibus magistro Gilberto de Tempilton rectore ecclesie Rotbyrsay Johanne Morton vicario de Innerkyp Fynlaio rectore ecclesie de Dunhon et multis aliis