Charter Document - 06190256
| Charter Number: | 06190256 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1195 - 1199 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia rex Scottorum omnibus probis hominibus totius terre sue clericis et laicis salutem Sciant presentes et futuri me concessisse et hac carta mea confirmasse Deo et ecclesie Sancte Marie et Sanctorum Jacobi et Mirini de Passelet et monachis ibidem Deo servientibus terram de Moniabrok in Stragriss quam Alanus filius Walteri eis dedit per easdem rectas divisas que scripte sunt et nominate in carta predicti Alani Tenendam in liberam et perpetuam elemosinam cum dimidia piscatura in exitu lacus de Loucwynhok et cum libertate piscandi in ipso lacu de Loucwymhok quotiens ipse Alanus ibi piscari faciet et cum omnibus aisiamentis prescripte terre ita libere quiete plenaria et honorifice sicut alias elemosinas suas liberius quietius plenius et honorificentius tenent et possident et sicut carta predicti Alani testatur Salvo servitio meo Testibus Hugone cancellario meo Philippo de Valon camerario Roberto de Londe filio meo Willelmo de Haia Willelmo Gyffard Alexandro vicecomite de Streuleyn Willelmo Flandres Henrico de Graham Henrico de Cormannok Philippo de Lundum apud Clacmannan vicesimo quinto die Maii
Source (click image below to view full size)
