Charter Document - 06190241
| Charter Number: | 06190241 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1316 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presentem cartam visuris vel audituris Walterus senescallus Scotie eternam in Domino salutem Noveritis me caritatis intuitu et pro salute anime mee et Marjorie quondam sponse mee necnon et pro salute antecessorum meorum ac etiam omnium fidelium defunctorum dedisse concessisse et hac presenti carta mea confirmasse Deo et Sancto Jacobo Sancto Mirino et Sancte Milburge de Passelet et Omnibus Sanctis et monachis ibidem Deo servientibus et inperpetuum servituris ecclesiam de Largyss in puram et perpetuam elemosinam cum omnibus decimis obventionibus oblationibus et fructibus quibuscunque ad dictam ecclesiam pertinentibus vel quoquo modo aut jure pertinere valentibus a die obitus domini Willelmi Lyndesay rectoris ejusdem ecclesie vel a die resignationis promotionis seu cessionis cujuscunque et sine annalis ejusdem usque in sempiternum cum tota terra predicte ecclesie pertinente in qua dicta ecclesia a tempore a quo non extat memoria erat dotata et saysita et cum omnibus aliis commoditatibus et aisiamentis ad eandem ecclesiam juste pertinentibus Tenendam et habendam dictam ecclesiam cum omnibus libertatibus et aisiamentis tam non nominatis quam nominatis predictis monachis et eorum successoribus inperpetuum et puram elemosinam adeo libere quiete pacifice et honorifice a die obitus dicti domini Willelmi resignationis promotionis seu cessionis cujuscunque et sine sui annalis sicut aliqua ecclesia cum pertinentiis aliquibus religiosis in regno Scotie per aliquem patronum liberius quietius et honorificentius in puram et perpetuam elemosinam datur seu confertur vel dari poterit aliquo tempore vel confirmari Ego Walterus et heredes mei prenominatam ecclesiam de Largyss cum omnibus suis justis pertinentiis tam non nominatis quam nominatis predictis religiosis et eorum successoribus inperpetuum warantizabimus acquietabimus et plenaria defendemus contra omnes homines et feminas In cujus rei testimonium presentem cartam sigilli mei impressione munivi Hiis testibus videlicet dominis Jacobo de Cunyngham Malcolmo Flandrensi et Alano de Glassurth militibus Giliseo de Estwod Roberto Sympill et Adam filio Huthred et aliis multis
Source (click image below to view full size)
