Charter Document - 06190239

Clemens episcopus servus servorum Dei dilectis filiis Abbati et conventui monasterii de Passelet Cluniacensis ordinis Glasgwensis dioecesis salutem et apostolicam benedictionem Cum a nobis petitur quod justum est et honestum tam vigor equitatis quam ordo exigit rationis ut id per sollicitudinem officii nostri ad debitum perducatur effectum Sane petitio vestra nobis exhibita continebat quod bone memorie Walterus Glasgwensis episcopus sui capituli ad id accedente consensu ecclesiam de Cragyn Glasgwensis dioecesis in qua jus patronatus habetis vobis in usus proprios deputavit ita quod vos predictam ecclesiam cum eam vacare contigerit possitis in usus hujusmodi applicare reservata perpetuo vicario in predicta ecclesia servituro de ipsius proventibus congrua portione ex qua commode sustentari valeat ac episcopalia et alia incumbentia sibi onera supportare prout in litteris inde confectis plenius dicitur contineri vosque in eadem ecclesia quandam annuam percipitis pensionem Nos igitur vestris supplicationibus inclinati concessionem hujusmodi ab eodem Episcopi provide factam ratam et firmam habentes eam auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Perusii v Idus Martii pontificatus nostri anno secundo