Charter Document - 06190237
| Charter Number: | 06190237 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1181 - 1196 |
| Date type: | Assigned |
| Resource Link(s): |
People of Medieval Scotland |
Charter:
Jocellinus Dei gratia Glasgwensis episcopus universis sancte matris ecclesie filiis tam presentibus quam futuris salutem in Domino Sciatis nos divine caritatis intuitu concessisse et episcopali auctoritate et hac carta nostra confirmasse Deo et ecclesie de Passelet et monachis ibidem Deo servientibus ecclesiam de Cragyn quam Walterus Hose gratia devotionis contulit eis in liberam et quietam et perpetuam elemosinam cum terris in ipsius Walteri carta nominatis et cum decimis et ceteris obventionibus ecclesiasticis et omnibus aliis que ad ipsam ecclesiam de Cragyn juste pertinere noscuntur Quare volumus ut ipsi monachi teneant et possideant predictam ecclesiam de Cragyn cum omnibus justis pertinentiis suis ita libere quiete plenaria et honorifice sicut aliquas alias ecclesias in episcopatu Glasgwensi liberius quietius et honorificentius tenent et possident Salvis episcopalibus Hiis testibus Hugone abbate de Neubotil Herberto decano Symone archidiacono nostro Helia Beda Willelmo canonicis Glasguensibus Petro decano de Cludesdal Willelmo persona de Drumsyrgar Waltero Johanne clericis nostris et pluribus aliis
Source (click image below to view full size)
