Charter Document - 06190236
| Charter Number: | 06190236 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1272 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Walterus de Lyndesay miles filius et heres quondam Christiane Hose et Matildis soror ejusdem Christiane heredes quondam domini Johannis Hose militis salutem in Domino sempiternam Noverit universitas vestra nos divine caritatis intuitu et pro salute animarum nostrarum antecessorum nostrorum et successorum concessisse et presenti carta nostra confirmasse Deo Sancto Jacobo et Sancto Mirino de Passelet et Abbati et conventui ejusdem loci donationem illam quam quondam dominus Walterus Hose verus dominus et patronus ecclesie de Cragyn fecit dedit et carta sua confirmavit prenominatis loco et monachis super collatione ecclesie predicte cum pertinentiis suis in liberam puram et perpetuam elemosinam eis tenende et habende Quare volumus et pro nobis et heredibus nostris concedimus et presenti scripto nostro confirmamus quod prenominati Abbas et conventus habeant teneant et possideant predictam ecclesiam cum omnibus pertinentiis libertatibus et aysiamentis suis de nobis et heredibus nostris sine omni perturbatione gravamine vel molestia inperpetuum in liberam puram et perpetuam elemosinam adeo libere quiete plenaria et honorifice et pacifice sicut carta predicti quondam domini Walteri Hose eisdem Abbati et conventui super dicta ecclesia confecta plenius proportat et testatur In cujus rei testimonium quia sigilla nostra non sunt autentica gratia majoris testimonii sigillo domini Radulfi vicarii de Are tunc decani de Kyle ad instantiam et preces nostras una cum sigillis nostris presens scriptum fecimus roborari Hiis testibus dominis Thoma Crok Willelmo Locard Ricardo Waleyff militibus Roberto Waleyff Waltero de Boht Ricardo de Merlay Fynlaio de Clouchrocherg Waltero Pyknoc Johanne filio Alani Bartramo de Prestwyc et aliis
Source (click image below to view full size)
