Charter Document - 06190235

Omnibus Christi fidelibus presens scriptum visuris vel audituris Thomas de Cragyn filius et heres Johanne Hose salutem in Domino sempiternam Noverit universitas vestra me divine caritatis intuitu et pro salute anime mee antecessorum meorum et successorum concessisse et presenti carta mea confirmasse Deo et Sanctis Jacobo et Mirino de Passelett et Abbati et conventui ejusdem loci donationem illam quam quondam dominus Walterus Hose verus dominus et patronus ecclesie de Cragyn fecit dedit et carta sua confirmavit prenominatis loco et monachis super collatione ecclesie predicte cum pertinentiis suis in liberam puram et perpetuam elemosinam eis tenende et habende Quare volo et pro me et heredibus meis concedo et presenti scripto meo confirmo quod prenominati Abbas et conventus habeant teneant et possideant predictam ecclesiam cum omnibus pertinentiis libertatibus et aisiamentis suis sine omni perturbatione gravamine vel molestia inperpetuum tam ex concessione mea et confirmatione quam ex collatione predicti domini Walteri in liberam puram et perpetuam elemosinam adeo libere quiete plenaria honorifice et pacifice sicut carta predicti quondam domini Walteri Hose eisdem Abbati et conventui super dicta ecclesia confecta plenius porportat et testatur In cujus rei testimonium quia sigillum meum non est autenticum gratia majoris testimonii sigillo domini Alexandri senescalli Scotie presens scriptum ad instantiam meam una cum sigillo meo feci roborari Hiis testibus domino Waltero Senescallo comite de Menteth domino Symone vicario de Innerkyp domino David capellano de Nigra aula domino Mauricio capellano de Passelet Lamberto rectore ecclesie de Dunhon Gilberto de Hameldun clerico Willelmo Logam clerico Nicholaio filio Alani Ricardo de Merlei Johanne de Knoc Willelmo de Innerwye Waltero Pycknoc et aliis multis Datum apud Passelet die lune proxima ante festum Sancte Lucie virginis anni gratie millesimi ducentesimi septuagesimi secundi