Charter Document - 06190234
| Charter Number: | 06190234 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1173 - 1177 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis et fidelibus Walterus Hose salutem Sciant presentes et futuri me pro anima patris et matris mee et pro salute anime mee et heredum meorum et fratrum meorum consilio amicorum meorum dedisse et concessisse et hac mea carta confirmasse Deo et Sancto Jacobo et Sancto Mirino et Sancte Milburge et monachis de Passelet in liberam et quietam ac puram elemosinam ecclesiam de Cragyn de terra mea scilicet in Kyle cum omnibus pertinentiis suis cum una carucata terre dimidia videlicet quam dedit pater meus predicte ecclesie et dimidia carucata terre quam ego postea eidem ecclesie in liberam dedi elemosinam per easdem divisas per quas Johannes Hose frater meus persona ejusdem ecclesie eandem dimidiam carucatam terre a me tenuit Ipse vero predictus Johannes sicut prius ita nunc eandem ecclesiam quamdiu vixerit libere et quiete tenebit et si vitam suam mutare voluerit predicti monachi cum monachum facient et tunc vel in morte ejus si absque habitu religionis obierit prenominata ecclesia monachis de Passelet cum omnibus appendiciis suis libera et quieta remanebit In recognitione vero hujus elemosine predictus Johannes dabit annuatim prefatis monachis tres nummatas ferri Hiis testibus Waltero filio Alani Roberto capellano de Renfru et Nicholaio filio ejus Luca capellano de Passelet Radulfo de Kent Waltero de Costinten Nicholaio de Costinten Nigello de Costinten Radulfo de Insula Radulfo portore Raginaldo coco et aliis multis
Source (click image below to view full size)
