Charter Document - 06190229

Omnibus Christi fidelibus presens scriptum visuris vel audituris Willelmus de Sanchar filius et heres quondam Hugonis janitoris salutem in Domino sempiternam Noverit universitas vestra quod cum controversia sepius mota esset inter dominos Abbatem et conventum de Passelet ex parte una et me ex altera super limitibus et divisis inter terram meam de Sanchar et terras ipsorum tam ecclesie sue de Sanchar quam de Dalmolyn addictam contentionem inperpetuum sopiendam et ad perpetuam pacem ac divisarum memoriam de cetero habendam per viros fideles communi consensu utriusque partis electos et ad sancta Dei evangelia juratos recognite fuerunt et declarate divise inter predictas terras videlicet a divisis de Achincro per quandam fossam factam inter terram meam et terram predicte ecclesie et ascendendo per soffas alicubi factas et cruces erectas usque ad vadum quod dicitur Crosseford et sic de illo vado descendendo per quendam vascellum descendentem in marisco usque ad quandam fossam factam in eodem marisco et sic per alias fossas factas descendendo usque in rivulum qui dicitur Muclathburn Preterea inter terram meam de Sanchar et terram de Dalmolyn a divisis de Achincro per quendam vascellum defendentem ad divisas de Achincro et per eundem vascellum ascendendo per fossas factas et cruces alicubi erectas usque ad quandam crucem que vocatur crux Walteri filii Rogerii et sic descendendo usque ad magnam mossam Preterea concessum est tam pro me et heredibus meis quam pro predictis Abbate et conventu et eorum successoribus quod a festo Sancti Martini in yeme nullum fiet parcagium inter dominicum meum et alias terras meas a prenominato rivulo versus occidentem et terram predicte ecclesie usque ad festum purificationis beate Virginis sed libere pascantur animalia dictorum Abbatis et conventus et eorum hominum in terra mea et vice versa animalia mea heredum meorum et hominum nostrorum in terra ecclesie prenominate ita tamen quod in domibus meis fossis et terra mea seminata medio tempore nullum mihi vel heredibus meis fiet dispendium ex parte vero alia predicti rivuli per quintanam postquam bladum de solo fuerit cariatum et etiam alibi per totam terram meam ex eadem parte rivuli libere animalia hominum terram predicte ecclesie inhabitantium pascentur nec per me vel per heredes meos aut assignatos impedientur quominus ubi tempore confectionis hujus scripti alibi extra terram meam communam habuerunt quatenus in nobis est vel fuerit sine calumpnia depascant Ad quas divisas supradictas sic cognitas et declaratas necnon ad alia omnia et singula prescripta fideliter tenenda ac futuris temporibus rata et firma incunctanter habenda pro me et heredibus meis ac successoribus fidem meam in manu Officialis curie Glasgwensis prestiti corporalem et predicti Abbas et conventus eadem grata habuerunt et accepta et bona fide tenere promiserunt Ceterum per predictos Abbatem et conventum est mihi et heredibus meis concessum quod semitam peditum pro nobis et familia nostra omni tempore habeamus de domo nostra ad ecclesiam prenominatam per terram ipsius ecclesie In cujus rei testimonium presens scriptum sigillo meo unacum sigillo officialitas curie Glasgwensis feci roborari Actum apud Senchar die Veneris proxima post festum Sancti Martini in yeme anno gratie millesimo CC octogesimo Hiis testibus magistro Alexandro Kenedy Waltero Kemblock Johanne filio Alani Johanne Calvo Willelmo de Knoc Waltero Piknoe Ricardo filio Ofanne et multis aliis