Charter Document - 06190227
| Charter Number: | 06190227 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1239 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus tam presentibus quam futuris Willelmus permissione divina Glasgwensis episcopus salutem in Domino Noverit universitas vestra nos de capituli nostri assensu divine pietatis intuitu dedisse concessisse et hac carta nostra confirmasse Abbati et conventui de Passelet ecclesiam de Dundonald cum duabus capellis suis scilicet Crossebi et Ricardiston et cum omnibus aliis pertinentiis suis ecclesiam de Sanchar et ecclesiam de Awchinlec cum terris libertatibus et omnibus justis pertinentiis earundem Salva in ecclesia de Dundonald vicaria viginti octo marcarum secundum taxationem nostram assignata perpetuo ejusdem ecclesie vicario nobis et successoribus nostris a dictis Abbate et conventu de Passelet pro tempore presentando qui vicarius per ministros idoneos tam ecclesie matrici quam duabus capellis predictis honeste faciet de serviri et de episcopalibus et aliis oneribus ordinariis respondebit in omnibus Salvis insuper nobis et successoribus nostris in ecclesiis de Sanchar et de Awchinlec episcopalibus de quibus dicti Abbas et conventus perpetuo respondebunt et eisdem ecclesiis honeste facient de serviri per ministros idoneos sine presentatione vicariorum Salva etiam possessione magistri Willelmi Edynham in ecclesia de Sanchar et possessione Willelmi capellani in ecclesia de Awchinlec temporibus eorundem Actum apud Glasgw anno gratie millesimo ducentesimo tricesimo nono die sabbati proxima post nativitatem beate Marie Virginis In cujus rei testimonium tam nos quam capitulum nostrum huic scripto sigilla nostra apposuimus
Source (click image below to view full size)
