Charter Document - 06190218
| Charter Number: | 06190218 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1214 - 1224 |
| Date type: | Assigned |
| Resource Link(s): |
People of Medieval Scotland |
Charter:
Maldovenus comes de Levenax omnibus amicis et hominibus suis presentibus et futuris salutem Sciatis me pro salute Domini mei regis Alexandri et pro salute anime mee et antecessorum et heredum meorum dedisse concessisse et hac carta mea confirmasse Deo et Sanctis Jacobo et Mirino de Passelet et monachis ibidem Deo servientibus unum iar super amnem de Levem ex utraque parte amnis faciendum et habendum in terra mea ubi melius voluerint et visum fuerit eis expedire Ita quod ego et heredes mei habebimus unam medietatem illius piscaria et monachi predicti alteram Tenendam eis in liberam puram quietam et perpetuam elemosinam ita libere quiete plenaria et honorifice sicut alias elemosinas sibi datas liberius quietius et honorificentius tenent et possident Concessi etiam eis quod nullum aliud iar fiet super dictam amnem de Leven inter illud iar quod eis dedi et lacum meum de Leven Hiis testibus domino Duncano Karrye Duncano filio Dungalli de Ergadia Dusgallo et Hamelen fratribus meis Gilberto et Absalon clericis meis Willelmo filio Vede Thoma Galkell et multis aliis
Source (click image below to view full size)
