Charter Document - 06190217
| Charter Number: | 06190217 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1274 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Malcolmus comes de Levenax salutem in Domino sempiternam Noverit universitas vestra me dedisse concessisse et hac presenti carta mea confirmasse Deo Sanctis Jacobo et Mirino de Passelet et monachis ibidem Deo servientibus et inperpetuum servituris medietatem piscarie de Linbren super aquam de Leven in Levenax et medietatem omnium piscium et aliorum omnium que in tota piscaria predicta capiuntur cum terra hactenus ad ipsam pertinente scilicet inter viam regalem versus Dunbertan et dictam piscariam Insuper dedi et hac carta mea confirmavi dictis religiosis meremium sufficiens de nemore meo de Bohtlul vel alibi ubi melius et propinquius poterunt adquirere sine districtione et petram ubi propinquius poterunt invenire ad construendum et emendandum dictam piscariam et pasturam octo boum vel tot aliorum animalium in communi pastura de Bohtlul ad cariandum dictum meremium et petram quotienscunque necesse fuerit et focale ad sustentationem piscatorum dictam piscariam custodientium de mortuo bosco et jacente in nemore de Bohtlul Tenendas et habendas de me et heredibus meis predictis religiosis inperpetuum in liberam puram et perpetuam elemosinam libere quiete et pacifice et sine omni perturbatione vel gravamine mei vel heredum meorum Salva mihi et heredibus meis in perpetuum medietate omnium piscium et aliorum omnium que in dicta piscaria capiuntur Et predicti religiosi predictam piscariam propriis sumptibus suis in omnibus et singulis facient emendabunt et sustinebunt quamdiu ego et heredes mei dictos religiosos ad hoc faciendum warantizare poterimus et defendere In cujus rei testimonium presenti scripto sigillum meum duxi apponendum Datum apud Renfru die Sancti Valentini martiris anni gratie millesimi ducentesimi septuagesimi tertii Hiis testibus Eugenio capellano Alano de Duochnan Gilberto filio Absolonis Malcolmo de Drummund Thoma filio Summerledi Johanne Knoc Thoma de Fulton Johanne Pride Stephano filio Ricardi Thoyr Petro filio Malcolmi Henrico filio Ewsemie Petro de Insula Alano de Fulton Willelmo de Knoc Johanne filio Alani et multis aliis
Source (click image below to view full size)
