Charter Document - 06190214
| Charter Number: | 06190214 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1224 |
| Date type: | Internal, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus totius terre sue clericis et laicis salutem Sciant presentes et futuri nos concessisse et hac carta nostra confirmasse donationem illam quam Maldovenus comes de Levenax fecit Deo et Sanctis Jacobo et Mirino de Passelet et monachis ibidem Deo servientibus de uno yar super amnem de Leven ex utraque parte amnis faciendo et habendo in terra predicti Comitis ubi melius voluerint et visum fuerit eis expedire ita quod predictus Comes et heredes sui habebunt unam medietatem illius piscarie et monachi predicti alteram Tenendam eis in liberam puram quietam et perpetuam elemosinam ita libere et quiete plenaria et honorifice sicut carta predicti Comitis inde confecta predictis monachis juste testatur Salvo servitio nostro Testibus Mauricio comite de Menteth Thoma de Stervlen Arthuro Glasgw et Radulfo capellanis Waltero Cumyng Petro de Valon Willelmo Bisseth Apud Strevlen quinto Septembris anno regni nostri decimo
Source (click image below to view full size)
