Charter Document - 06190212
| Charter Number: | 06190212 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1214 - 1241 |
| Date type: | Assigned |
| Resource Link(s): |
People of Medieval Scotland |
Charter:
Universis Christi fidelibus tam presentibus quam futuris Maldovenus comes de Levenax salutem Noverit universitas vestra me divine caritatis intuitu pro anima regis Willelmi et pro animabus patris mei et matris mee et omnium antecessorum meorum necnon et heredum meorum dedisse et concessisse et hac presenti carta mea confirmasse Deo et Sanctis Jacobo et Mirino de Passelet et monachis ibidem Deo servientibus piscariam ad unum rete in aqua mea de Leven tam sursum quam fluctus maris ascendit ad domus sue caritatem sustentandam in liberam puram et perpetuam elemosinam Preterea ipsos monachos et ipsorum homines in mea potestate tam per mare quam per terram venientes in mea firma pace et protectione suscepi omnibus hominibus meis prohibens ne aliquam injuriam eis facere presumant super plenarium meam foris facturam Hiis testibus Waltero filio Alani senescallo Regis Scotie Dusgallo et Malcolmo fratribus meis Gillescopo Galbrat Rodrico fratre suo Cristin et Mordach filiis Ferdam Fergusio filio Cumyng et pluribus aliis
Source (click image below to view full size)
