Charter Document - 06190211

Omnibus Christi fidelibus tam presentibus quam futuris Maldovenus comes de Levenax salutem Sciatis me concessisse et hac carta mea confirmasse Deo et Sanctis Jacobo et Mirino de Passelet et monachis ibidem Deo servientibus et inperpetuum servituris in liberam puram et perpetuam elemosinam donationem illam quam Robertus Hertford clericus eis fecit dum laboraret in extremis de medietate piscarie que Lynbren nuncupatur cum tota illa terra Dallenlenrath que jacet inter dictam piscariam et magnam viam versus Dunbertan sicut illam eis dedi et assignavi in escambium illius acre terre quam dedi Roberto Hertford cum medietate dicte piscarie Quare volo et concedo ut dicti monachi totaliter et integre dictas terram et piscariam teneant et habeant inperpetuum elemosinam tam ex donatione mea quam confirmatione firmandam et faciendam ex utraque parte aque Leveyn et per transversum aque sicut viderint sibi melius expedire cum pastura ad octo boves et duos equos in terra mea de Buchlul ubi fuerit eis utilius et cum libertate capiendi et habendi petram et meremium ad edificandum et socialium ad comburendum in terra mea ubicumque voluerint Preterea dedi eisdem potestatem piscandi per totum lacum meum de Leven sine omni impedimento cum libertate siccandi retia sua et faciendi domos et scalignas piscatoribus suis tam in insulis predicti lacus quam in terris meis circumjacentibus Hiis testibus domino Waltero senescallo Scotie Radulfo capellano domini Regis Malcolmo filio meo Amelec fratre meo Roberto Mundgumry Alano de Insula Rogero filio Glay Galfrido Marssell Humfrido de Kylpatrik anno gratie millesimo ducentesimo vicesimo quinto in festo Sancti Petri ad vincula apud Passelet