Charter Document - 06190196

Omnibus Christi fidelibus presens scriptum visuris vel audituris Malcolmus comes de Levenax salutem in Domino sempiternam Noverit universitas vestra me concessisse et presenti carta mea confirmasse Deo Sanctis Jacobo et Mirino de Passelet et monachis ibidem Deo servientibus et inperpetuum servituris ad pacem et quietem eorum impostorum ob devotionem quam erga ipsos concepi quod servientes mei nec aliquis ipsorum nullas captiones facient nec capient ad opus meum nec alicujus alterius nomine mei vel auctoritate de bonis hominum predictorum religiosorum in terris suis de Levenax manentium nec terras suas ingredientur ad aliquas molestias injurias seu gravamina hominibus suis inferenda nec ibidem pernoctabant nec aliqua aliquo modo capient petent vel extorquent ab hominibus suis nisi gratis sibi fuerint oblata et si aliquis ipsorum hanc meam concessionem et confirmationem in aliquo premissorum transgrediatur pena pecuniaria vel corporali ipsum atrociter castigabo et nihilominus delinquentem ad satisfactionem faciendam competenter tam ipsis religiosis quam eorum hominibus contra quos deliquit compellam infra viginti dies ad ecclesiam de Kylpatrik probatis ibidem injuriis et dampnis tam per sacramenta hominum predicti Comitis quam predictorum religiosorum Hanc vero meam concessionem et confirmationem pro me et heredibus meis inperpetuum concedo et presenti carta mea confirmo et volo ut perpetue firmitatis robur teneat et habeat de cetero In cujus rei testimonium presenti scripto sigillum meum duxi apponendum Datum apud Renfru die Sancti Valentini martiris anni gratie millesimi ducentesimi septuagesimi tertii Hiis testibus domino Eugenio capellano Alano de Ruthvan Gilberto filio Absolonis Malcolmo de Drumyd Thoma filio Summerledi Johanne de Knoc Thoma de Fulton Johanne Pride Stephano filio Ricardi Thor Petro filio Malcolmi Henrico filio Eufemie Petro de Insula Alano de Fulton Willelmo de Knoc Johanne filio Alani et aliis