Charter Document - 06190194

Omnibus Christi fidelibus presens scriptum visuris vel audituris Norrinus de Monnorgunde et Forveleth sponsa sua salutem in Domino sempiternam Noverit universitas vestra nos teneri et presenti scripto obligari quod quandocunque citati fuerimus litteratorie seu oretenus per dominum Robertum Dei gratia episcopum Glasgwensem vel aliquem ejus officialem ut in curia Malcolmi comitis de Levenax compareamus ad proximum placitum suum post citationem nobis factam ad terram nostram de Camsy in Levenax sine omni excusatione dilatione prorogatione cavillatione exceptione et fraude ubicumque in comitatu predicto placitum fuerit ibidem veniemus personaliter et plene et expresse pro nobis et heredibus nostris in plena curia confitebimur quod nichil juris nobis seu heredibus nostris aliquo tempore competiit competit seu competere poterit in terris de Cocmanach Fymbalach Edinbernan Backan et de Drumcreue licet aliquando Abbatem et conventum de Passelet super premissis terris vocari injuste fecimus in judicio et quod nos et heredes nostri abjudicati sumus de predictis terris sententialiter inperpetuum et si quid juris habuimus vel habere poterimus impostorum in premissis terris vel aliqua ipsarum pro nobis et heredibus nostris eidem renunciavimus et predictis Abbati et conventui seu eorum procuratori per fustum et baculum resignabimus et quietum clamabimus inperpetuum Et ad primam citationem nobis alias faciendam per predictum dominum Episcopum vel aliquem ejus officialem coram domino nostro Rege Scotie sine omni contradictione exceptione excusatione cavillatione et fraude comparabimus personaliter et predictas renunciationem resignationem et quietam clamationem ibidem predictis Abbati et conventui seu eorum attornato modo suprascripto in omnibus faciemus et omnem aliam securitatem quam Johannem de Wardroba et Mariam sponsam suam seu Bernardum de Erth et Helenam sponsam suam pro se et heredibus suis facere contigerit predictis Abbati et conventui super premissis terris nos pro nobis et heredibus nostris ad voluntatem ipsorum Abbatis et conventus de plano et sine strepitu judiciali faciemus Et ad omnia et singula premissa facienda et adimplenda obligavimus et obligamus nos et quemlibet nostrum per sacramentum nostrum corporaliter ad sancta Dei evangelia prestitum sub pena quadraginta librarum bonorum et legalium sterlingorum qualibet septimana solvendarum medietatem domino Episcopo Glasgwensi et medietatem fabrice ecclesie ejusdem loci quamdiu post premissas citationes nobis factas premissa omnia et singula in quolibet articulo plene perficere et complere prorogavimus omiserimus seu neglexerimus aliquo casu contingente Et insuper supposuimus et supponimus nos et quemlibet nostrum jurisdictioni et coertioni domini Episcopi Glasgwensis et ejus officialis ut ambo vel alter eorum possint vel possit nos et quemlibet nostrum tam ad solutionem pene si committatur quam ad premissa omnia et singula observanda et adimplenda compellere per omnimodam censuram ecclesiasticam tam in personis nostris quam in terris et aliis ferendis habita summaria cognitione ex sola inspectione hujus instrumenti sine alia cause cognitione nullo juris remedio canonici vel civilis nobis vel alicui nostrum reniti volentibus vel volenti valituro Et renunciavimus ac renunciamus expresse in hoc facto pro nobis et quolibet nostrum quo ad infirmandum premissa vel aliquod premissorum omnimodis placitis et litteris tam a domino Rege Scotie quam a quocunque alio loco et foro ecclesiastico vel seculari impetratis seu impetrandis et omnibus juribus consuetudinibus judiciis statutis statuendis exceptionibus et juris canonici et civilis remediis viduis et conjugatis concessis et concedendis et exceptioni virilis compulsionis et specialiter beneficio restitutionis in integrum et omni privilegio crucesignatis vel cruce signandis concesso et concedendo et omnibus aliis indulgentiis gratiis privilegiis generalibus vel specialibus et omnibus appellationibus contradictionibus cavillationibus et aliis per que intentio seu tenor presentis scripti in parte vel in toto impediri possit vel impugnari In cujus rei testimonium presenti scripto gratia majoris testimonii appensum est sigillum magistri Thome de Abyrden tunc officialis domini Roberti Dei gratia Glasgwensis episcopi una cum sigillis nostris Hiis testibus []