Charter Document - 06190193

Omnibus Christi fidelibus presens scriptum visuris vel audituris Norrinus de Monnorgund et Forvelech Sponsa sua salutem in Domino sempiternam Noverit universitas vestra quod nos per litteras regias trahere fecimus in litem Abbatem et conventum de Passelet coram Malcolmo comite de Levenax et ballivis suis in curia sua super terris de Cochmanach Edynbernan Fimbalach Backan et Drumcreue quas nomine et jure Dusgalli quondam rectoris ecclesie de Kylpatrik vendicavimus Predictis Abbate et conventu sufficienter comparentibus ostenderunt quedam instrumenta bona et legitima tam ex parte predicti Dusgalli quam Alwini patris sui super predictis terris confecta per que tam nobis quam toti curie predicte constabat predictas terras esse et fuisse de jure proprietate et possessione ecclesie supradicte a tempore a quo non extat memoria unde plene confitebamur in judicio et confitemur quod nichil juris nobis vel heredibus nostris in predictis terris competiit competit seu competere poterit impostorum propter quod nos et heredes nostri juste et vero judicio de prenominatis terris in nostra presentia abjudicati fuimus sumus et esse concedimus inperpetuum Quare volumus [et] pro nobis et quolibet nostrum ac heredibus nostris et quolibet ipsorum concedimus quod predicti Abbas et conventus omnes et singulas terras predictas cum omnibus pertinentiis suis sine aliquo retene mento habeant teneant et possideant inperpetuum pacifice et quiete sine omni calumpnia gravamine et perturbatione ex parte nostra vel heredum nostrorum seu alicujus alterius nomine nostro et renunciavimus et renunciamus expresse in hoc facto pro nobis et quolibet nostrum ac heredibus nostris et quolibet ipsorum omni juri si quod habuimus seu habemus vel impostorum habere poterimus in premissis terris vel aliqua earum et totaliter predictis Abbati et conventui quietum clamavimus et clamamus inperpetuum Et ut presens scriptum robur perpetue firmitatis optineat impostorum volumus et concedimus pro nobis et quolibet nostrum ac heredibus nostris et quolibet ipsorum et presenti scripto confirmamus jurisdictionem auctoritatem et plenarium potestatem domino Comiti de Levenax qui pro tempore fuerit prout liberius melius et plenius dari poterit vel concedi ut propria auctoritate sua de plano et sine strepitu judiciali ingredi possit possessionem proprietatem et saysinam omnium terrarum nostrarum de Levenax et cujuslibet nostrum et heredum nostrorum et cujuslibet ipsorum qui de cetero contra predictos Abbatem et conventum moverint seu moverit questionem super premissis terris vel aliqua ipsarum et ut ipsas terras nostras jure hereditario teneat sine aliquo retene mento et sibi et heredibus suis appropriet inperpetuum sine omni calumpnia contradictione inquietatione vel perturbatione ex parte nostra vel heredum nostrorum seu alicujus ipsorum seu alicujus alterius nomine nostro seu ipsorum et quod nihilominus predictus Comes per potestatem suam secularem possit nos et quemlibet nostrum ac heredes nostros et quemlibet ipsorum per bona nostra et sua mobilia ubicumque in terra de Levenax reperta fuerint compellere nulli hominum aliquo jure vel judicio replegianda quousque quadringentas libras bonorum et legalium sterlingorum predictis Abbati et conventui in quibus eisdem confitemur teneri tanquam in debito principali et specialiter eis debito pro dampnis et expensis que et quas ipsi fecerunt et incurrerunt occasione predicte litis per nos mote integre solverimus omnimodis litteris domini Regis Scotie seu cujuscunque alterius a quocunque foro seculari vel ecclesiastico contra hanc donationem concessionem confirmationem et quietam clamationem nostram impetratis seu impetrandis minime nobis vel alicui nostrum vel heredum nostrorum valituris Quam compulsionem si predictus dominus Comes de Levenax in omnibus sicut prescriptum est facere recusaverit prorogaverit vel dissimulaverit damus concedimus et presenti scripto confirmamus permissam jurisdictionem auctoritatem et potestatem in omnibus et per omnia domino Regi Scotie qui pro tempore fuerit compellendi nos et quemlibet nostrum ac heredes nostros et quemlibet ipsorum sine alicujus temporis intervallo tam ad solutionem predicte summe pecunie faciendam termino superius contento quam ad observationem omnium aliorum premissorum in quolibet articulo tam per terras nostras de Levenax quam per alias quas in regno suo nos habere contingat necnon et per omnia bona nostra et sua mobilia modis omnibus prout superius in hoc scripto plenius in quolibet articulo continetur quotiens necesse fuerit Et ad hec in quolibet articulo fideliter observanda nos et quilibet nostrum pro nobis et quolibet nostrum ac heredibus nostris et quolibet ipsorum ad sancta Dei evangelia spontanea voluntate et sine aliqua cohercione coram venerabili patre domino Roberto Dei gratia Glasgwensi episcopo sacramenta prestitimus corporalia et nihilominus supposuimus et supponimus nos et quemlibet nostrum ac heredes nostros et quemlibet ipsorum inperpetuum jurisdictioni et coercioni domini Episcopi Glasgwensis qui pro tempore fuerit Decani et capituli ejusdem si sedes vacaverit et Abbatis de Passelet ut omnes duo vel unus eorum conjunctim et divisim habita summaria cognitione ex sola inspectione hujus instrumenti sine alia cause cognitione possint vel possit nos et quemlibet nostrum et heredes nostros et quemlibet ipsorum qui contra premissa aliquomodo reclamare vel ea infirmare presumpserit propria auctoritate quotiens necesse fuerit excommunicare et tamdiu excommunicatos conjunctim et divisim tam in capella domini Regis Scotie quam per totum regnum denunciare et terras nostras ubicumque fuerint generali et speciali interdicto supponere predictis sententia et interdicto nullius persone privilegii gratie litterarum seu indulgentie auctoritate relaxandis quousque predictis Abbati et conventui pro dampnis suis et expensis prenotatis de predicta summa pecunie ad quam solvendam tenemur ex debito plene et integre satisfecerimus totaliter et donec predicto domino Episcopo et capitulo Glasgwensibus ducentas marcas plene persolverimus in quibus confitemur teneri propter transgressionem nostri juramenti et subjectionis et donec liti si quam de cetero nos vel aliquem nostrum seu heredes nostros vel aliquem ipsorum vel aliquem nomine nostro vel alicujus nostrum contra predictos Abbatem et conventum movere contingat super premissis vel aliquo premissorum renunciaverimus totaliter presenti scripto nihilominus ex tunc in suo robore permanente Insuper renunciavimus ac renunciamus nos et quilibet nostrum pro nobis et quolibet nostrorum ac heredibus nostris et quolibet ipsorum expresse in hoc facto inperpetuum quo ad infirmandum premissa vel aliquid premissorum omnimodis placitis et litteris tam a domino Rege Scotie quam a quocunque alio loco et foro ecclesiastico vel seculari impetratis vel impetrandis et omnibus juribus consuetudinibus judiciis statutis et statuendis exceptionibus et juris canonici et civilis remediis viduis vel conjugatis concessis et concedendis et exceptioni virilis compulsionis et specialiter beneficio restitutionis in integrum et omni privilegio crucesignatis vel cruce signandis concesso vel concedendo et omnibus aliis indulgentiis gratiis privilegiis generalibus vel specialibus et omnibus appellationibus contradictionibus cavillationibus et aliis per que intentio seu tenor presentis scripti in parte vel in toto impediri possit vel impugnari In cujus rei testimonium ad instantiam nostram gratia majoris testimonii huic scripto appensum est commune sigillum capituli Glasgwensis et sigilla dominorum Alexandri senescalli Scotie et Willelmi Cumyn de Kylbrid et magistri Thome de Abyrden tunc officialis domini Roberti Dei gratia Glasgwensis episcopi una cum sigillis nostris Hiis testibus []