Charter Document - 06190192
| Charter Number: | 06190192 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1273 |
| Date type: | Internal |
| Resource Link(s): |
People of Medieval Scotland |
Charter:
Omnibus Christi fidelibus scriptum presens visuris vel audituris Bernardus de Erth et Elena sponsa sua salutem in Domino sempiternam Noverit universitas vestra nos plene et integre recepisse de dominis Abbate et conventu de Passelet quadraginta sex marcas octo solidos decem denarios et obolum nos contingentes de illis centum quadraginta marcis in quibus nobiscum et cum Johanne de Wardroba et Maria sponsa sua et Norrino de Monnorgund et Forveleth sponsa sua convenerunt ad litem sopiendam inter nos et predictos Abbatem et conventum motam super terris de Cochmanach Edynbernan Fimbalach Backan et Drumcreue de quibus quadraginta sex marcis octo solidis decem denariis et obolo confitemur nos bene et plene esse pacatos unde exceptioni pecunie non tradite non solute non numerate renunciamus expresse volentes et concedentes ut scriptum super totali pecunia prenominata confectum quatenus nos tangit vel competit nullius sit virtutis vel valoris nec nobis nec alicui nostrum de cetero valiturum sed potius cujuslibet actionis carens virtute In cujus rei testimonium presenti scripto sigillum venerabilis patris domini Roberti Dei gratia Glasgwensis episcopi una cum sigillis nostris apponi fecimus Hiis testibus magistris Johanne de Lynsay Adam Symmyngham rectore ecclesie de Jesrych Roberto de Merley Thoma de Abeirden Willelmo Capellano predicti domini Episcopi dominis Vilelmo de Synwefortd et Patricio Passelet clericis Datum apud Passelet die translationis Sancti Benedicti anni gratie MCC septuagesimi tertii
Source (click image below to view full size)
