Charter Document - 06190188
| Charter Number: | 06190188 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1273 - 1283 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Johannes de Wardroba et Maria sponsa sua salutem in Domino sempiternam Noverit universitas vestra nos plene et integre recepisse de dominis Abbate et conventu de Passelet quadraginta sex marcas octo solidos decem denarios et obolum nos contingentes de illis centum quadraginta marcis in quibus nobiscum et cum Bernardo de Erth et Elena sponsa sua et Norrino de Monnorgund et Forveleth sponsa sua convenerunt ad litem sopiendam inter nos et predictos Abbatem et conventum motam super terris de Cocmanach Edinbernan Fimbalach Backan et Druncreue de quibus quadraginta sex marcis octo solidis decem denariis et obolo confitemur nos bene et plene esse pacatos unde exceptioni pecunie non tradite non solute non numerate renuntiamus expresse volentes et concedentes ut scriptum super totali pecunia prenominata confectum quatenus nos tangit vel nobis competit nullius sit virtutis vel valoris nec nobis vel alicui nostrum de cetero valiturum sed potius cujuslibet actionis carens virtute In cujus rei testimonium presenti scripto sigillum magistri Thome de Abeirden tunc officialis domini Roberti Dei gratia Glasgwensis episcopi una cum sigillis nostris apponi fecimus Hiis testibus []
Source (click image below to view full size)
