Charter Document - 06190186

Omnibus Christi fidelibus presens scriptum visuris vel audituris Johannes de Wardroba et Maria sponsa sua salutem in Domino sempiternam Noverit universitas vestra nos teneri [et] presenti scripto obligari quod quandocumque citati fuerimus litteratorie seu ore tenus per dominum Robertum Dei gratia episcopum Glasgwensem vel aliquem ejus officialem ut in curia Malcolmi comitis de Levenax compareamus ad proximum placitum suum post citationem nobis factam ad terram nostram de Camsy in Levenax sine omni excusatione dilatione prorogatione cavillatione exceptione et fraude ubicumque in comitatu predicto placitum fuerit ibidem veniemus personaliter et plene et expresse pro nobis et heredibus nostris in plena curia confitebimur quod nichil jure nobis seu heredibus nostris aliquo tempore competiit competit seu competere poterit in terris de Cocmanach Edynbernan Fimbalach Backan et de Drumtcreue licet aliquando Abbatem et conventum de Passelet super premissis terris vocari injuste fecimus in judicio et quod nos et heredes nostri abjudicati sumus de predictis terris sententialiter inperpetuum et si quid juris habuimus vel habere poterimus in posterum in premissis terris vel aliqua ipsarum pro nobis et heredibus nostris eidem renunciabimus et predictis Abbati et conventui seu eorum procuratori per fustum et baculum resignabimus et quietum clamabimus inperpetuum et ad primam citationem nobis alias faciendam per predictum dominum Robertum episcopum vel aliquem ejus officialem coram domino Rege nostro Scotie sine omni contradictione exceptione excusatione cavillatione et fraude comparebimus personaliter et predictas renuntiationem resignationem et quietam clamationem ibidem predictis Abbati et conventui seu eorum actornato modo supradicto in omnibus faciemus et omnem aliam securitatem quam Bernerdum de Erth et Elenam sponsam suam seu Norrinum de Monorgund et Forueleth sponsam suam pro se et heredibus suis facere contigerit predictis Abbati et conventui super premissis terris nos pro nobis et heredibus nostris ad voluntatem ipsorum Abbatis et conventus de Passelet de plano et sine strepitu judiciali faciemus Et ad omnia et singula premissa facienda et adimplenda obligavimus et obligamus nos et quemlibet nostrum per sacramentum nostrum corporaliter ad sancta Dei evangelia prestitum sub pena quadraginta librarum bonorum et legalium sterlingorum qualibet septimana solvendarum medietatem domino Episcopo Glasgwensi et medietatem fabrice ecclesie ejusdem loci quamdiu post premissas citationes nobis factas premissa omnia et singula in quolibet articulo plene perficere et complere pro rogaveramus omiserimus seu neglexerimus aliquo casu contingente Et insuper supposuimus et supponimus nos et quemlibet nostrum jurisdictioni et cohertioni domini Episcopi Glasgwensis et ejus officialis ut ambo vel alter eorum possint vel possit nos et quemlibet nostrum tam ad solutionem pene si committatur quam ad premissa omnia et singula observanda et adimplenda compellere per omnimodam censuram ecclesiasticam tam in personis nostris quam in terris et aliis ferendis habita summaria cognitione ex sola inspectione hujus instrumenti sine alia cause cognitione nullo juris remedio canonici vel civilis nobis vel alicui nostrum remitti volentibus vel volenti valituro Et renunciavimus ac renunciamus expresse in hoc facto pro nobis et quolibet nostrum quo ad infirmandum premissa vel aliquod premissorum omnimodis placitis et litteris [tam] a domino Rege Scotie quam a quocunque alio loco et foro ecclesiastico vel seculari impetratis seu impetrandis et omnibus juribus consuetudinibus judiciis statutis et statuendis exceptionibus et juris canonici et civilis remediis viduis et conjugatis concessis et concedendis et exceptioni virilis compulsionis et specialiter beneficio restitutionis in integrum et omni privilegio cruce signatis et cruce signandis concesso vel concedendo et omnibus aliis indulgentiis gratiis privilegiis generalibus vel specialibus et omnibus appellationibus contradictionibus cavillationibus et aliis per que intentio seu tenor presentis scripti in parte vel in toto impediri possit vel impugnari In cujus rei testimonium presenti scripto sigillum magistri Thome de Abeirden tunc officialis domini Roberti Dei gratia Glasgwensis episcopi una cum sigillis nostris apponi fecimus Hiis testibus []