Charter Document - 06190184

Omnibus Christi fidelibus presens scriptum visuris vel audituris Duugallus filius Cristini judicis de Levenax salutem in Domino Noverit universitas vestra quod cum ego dictus Duugallus et Matildis sponsa mea et heredes nostri apparentes infra annos legitime etatis existentes gravi essemus paupertate oppressi et debitis quam plurimis onerati sine venditione vel alienatione hereditatis nostre a dicta paupertate resurgere vel debita nostra acquietare non potuimus omnibus mobilibus nostris prius expositis et venditis tandem necessitate compulsi que legem non patitur totam terram nostram de Cnoc quam ab Abbate et conventu de Passelet tenuimus hereditarie eisdem Abbati et conventui dedimus concessimus et hac presenti carta nostra confirmavimus pro escambiis cujusdam terre in insula sua que jacet inter Kert Louchwynnoc et Grif juxta Walkeinschaw sicut Adam Galgon eandem terram prius de dictis Abbate et conventu tenuit ad firmam et pro quieta clamantia dimidie marce annuatim quam nos et heredes nostri singulis annis dictis Abbati et conventui pro predicta terra de Cnoc in feodifirma reddere tenebamur et pro duabus celdris farine avenarum singulis annis nobis et heredibus nostris inperpetuum solvendis de granario suo de Passelet ad duos anni terminos videlicet unam celdram farine ad festum Sancti Martini et unam celdram ad Pentecosten amicis nostris et propinquis heredum nostrorum apparentium predictam terram pro minori pretio prius recusantibus Quare volumus et presenti scripto concedimus ut dicti Abbas et conventus totam terram predictam sine aliquo retene mento cum omnibus pertinentiis libertatibus aisiamentis et divisis habeant teneant et possideant hereditarie inperpetuum libere quiete plenaria et honorifice sine omni molestia gravamine vel calumpnia ex parte nostra vel heredum nostrorum in posterum ita quod nos vel heredes nostri presentes vel futuri vel aliquis nomine nostro nichil in predicta terra nomine dotis vel aliquo judicio jure vel casu contingentibus exigere vel clamare poterimus de cetero eandem terram et cartam quam habuimus et totum jus quod nobis vel heredibus nostris competiit vel competere potuit seu debuit in posterum in predicta terra dictis Abbati et conventui per fustum et baculum in curia ipsorum reddidimus re signavimus et tactis sacrosanctis solempniter abjuravimus volentes et concedentes ut si alique carte aliquo tempore reperte fuerint mentionem facientes ut in illa terra hereditatem habeamus nullius sint momenti vel roboris set irrite et inanes et nobis vel heredibus nostris nullo tempore valiture Et si forte aliquo tempore nos vel heredes nostri contra hanc redditionem resignationem vel abjurationem in aliquo venire voluerimus nos dictis Abbati et conventui ante litis ingressum vel antequam in alia curia audiamur de plano et sine strepitu judiciali centum libras nomine pene plenaria persolvemus ita quod tunc non valebunt nobis quantum ad supradicta infirmanda aliqua juris canonici vel civilis beneficia generalia vel specialia statuta vel statuenda Et ad omnia predicta in quolibet articulo fideliter observanda subjecimus nos et heredes nostros jurisdictioni domini Episcopi Glasgwensis vel Archidiaconi vallis de Clud qui pro tempore fuerit ut ambo vel alter eorum possint vel possit nos de plano et absque strepitu judiciali monitione premissa per sententiam excommunicationis vel modis aliis quibus melius viderint vel viderit expedire ad observationem omnium premissorum compellere remota qualibet appellatione et contradictione ex parte nostra et heredum nostrum inperpetuum renunciantes tam pro nobis quam pro heredibus nostris inperpetuum omni cavillationi contradictioni appellationi exceptioni impetrationi et omnibus legibus consuetudinibus regni statutis et statuendis et omnibus gratiis indulgentiis privilegiis generalibus vel specialibus et omnibus litteris a sede apostolica vel ab aliquo gerente vices ipsius concessis et concedendis impetratis et impetrandis et specialiter beneficio restitutionis in integrum et omnibus aliis que contra presens scriptum obici possunt vel proponi Et nos et heredes nostri predictam terram de Cnoc in omnibus ut predictum est dictis Abbati et conventui contra dotes et omnes homines et feminas inperpetuum warantizabimus et defendemus In cujus rei testimonium presente herede meo et consentiente et de consensu Matildis uxoris mee Ego Duugallus sigillum meum apposui huic scripto Testibus domino Thoma Croc magistro Henrico Hendbode domino Willelmo capellano de Passelet Thoma de Polloc Willelmo de Cathkert Alano filio ejus Stephano filio Thor Willelmo Bwrel et aliis multis