Charter Document - 06190181
| Charter Number: | 06190181 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1234 - 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus tam presentibus quam futuris Duugallus filius quondam Cristini judicis de Levenax salutem Sciatis quod ego Abbati et conventui et monasterio de Passelet et ecclesie eorundem de Kylpatrik pro me et heredibus meis resignavi et quietum clamavi inperpetuum totum jus quod nobis competiit vel competere poterit in quadam terra de Levenax que Cultbuthe appellatur et in quadam alia terrala juxta ecclesiam de Kylpatrik versus orientem inter ecclesiam et rivulum in qua terra tam ego quam pater meus manere solebamus volens et concedens ut easdem terras sicut terras predicte ecclesie sue libere et quiete semper habeant et teneant sine omni calumpnia et cartam quam de dictis terris habui in manus eorum resignavi Et si forsan aliqua carta que de dictis terris faciat mentionem reperta fuerit vel ostensa volo et promitto quod mihi vel heredibus meis nullo tempore valebit Promitto etiam firmiter quod ego vel heredes mei contra dominum Comitem de Levenax vel heredes suos vel contra predictum Abbatem et conventum super dictis terris vel escambiis nullo tempore litem movebimus ita quod nullum juris beneficium nobis contra hec venire volentibus possit valere Et quia sigillum proprium non habui Alanus de Cathkert a me rogatus litteris presentibus sigillum suum apposuit et ad instantiam meam gratia auctoritatis et testimonii feci apponi sigillum venerabilis patris Willelmi Dei gratia Glasguensis episcopi Hiis testibus domino Radulfo capellano domini Regis domino Andrea capellano de Passelet Rogero de Lynton senescallo de Passelet Galfrido Marescall Alano de Kathkert Petro de Polloc et Thoma de Polloc Willelmo de Cadiou et Warino clericis Simone cimentario Willelmo de Kenmor et multis aliis
Source (click image below to view full size)
