Charter Document - 06190180
| Charter Number: | 06190180 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1274 |
| Date type: | Assigned |
| Resource Link(s): |
People of Medieval Scotland |
Charter:
Decanus et Archidecanus Dunblanenses discreto viro amico et socio Laurentio decano de Levenax salutem Auctoritate apostolica qua fungimur quam vobis inspiciendam mittimus discretioni vestre precipiendo mandamus quatinus assumptis vobiscum capellanis et clericis ad placita domini Regis apud Dunbertan personaliter accedatis et ibidem semel secundo et tertio inhibeatis solempniter sub pena excommunicationis ex parte domini Pape et prelatorum ecclesie scoticane ne aliquis Abbatem et conventum de Passelet extra curiam Christianitatis ad forum laicale trahere presumat invitos super terris suis ecclesiasticis et elemosinariis quas hactenus pacifice possederunt maxime cum iste articulus sit determinatus in litteris domini Pape impetratis per prelatos ecclesie scoticane et cum littere domini Regis de perambulatione vel recognitione contra ecclesiasticas personas vel terras sint suspense per consilium domini Regis et per consensum prelatorum cum quibusdam aliis articulis suspensis similiter et cum nos ad querelam Abbatis et conventus auctoritate apostolica nobis commissa dominum Hugonem Flandrensem jam pridem vitaverimus ad respondendum et juri parendum eisdem super terra de Dunnotyr quam dicunt ad ecclesiam suam de Kylpatrik de jure pertinere et super tota pastura que est inter terram eorum de Bachan et terram dicti Hugonis de Kynmunchayr et cum determinatum sit in quodam decretali rem non esse integram post citationis emissionem Valete semper in Domino
Source (click image below to view full size)
