Charter Document - 06190179
| Charter Number: | 06190179 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1234 |
| Date type: | Internal, A.D., Feast |
| Resource Link(s): |
Embedded Document People of Medieval Scotland |
Charter:
Omnibus Christi fidelibus hoc scriptum visuris vel audituris de Carric et de Cunigham Decani et Magister scolarum de Are eternam in Domino salutem Mandatum domini Pape in hec verba suscepimus [] Cum ergo hujus auctoritate mandati dicti Abbas et conventus de Passelet Duugallum filium Cristini quondam judicis de Levenax coram nobis in judicio convenissent super quadam terra quam habuit ex orientali parte ecclesie de Kylpatrik et super quadam alia terra super amnem de Clud que Cultbuthe nuncupatur quas quidem terras dicti monachi dicebant ab ecclesia de Kylpatrik in ipsum et in predecessores suos injuste fuisse alienatas cum et idem Duugallus in diem a nobis precise prefixum ad litem sine omni exceptione [vel] cavillatione contestandam consensisset dicto die coram nobis comparens intentioni monachorum respondere noluit sed contumaciter recessit unde nos de consilio virorum prudentum et juris peritorum propter contumaciam ipsius manifestam partem monachorum in possessionem terrarum petitarum causa custodie induci decrevimus et de Renfru et de Guvan Capellanis decreti nostri executionem demandavimus Cum igitur dictus Duugallus infra annum cautionem de parendo juri offerre non curasset nos secundum juris ordinem contra ipsum procedentes veram possessionem predictarum terrarum ex secundo decreto memoratis monachis adjudicavimus Salva predicto Duugallo super ipsis terris questione proprietatis Actum in parochiali ecclesia de Are in crastino Sancti Michaelis anno gratie Millesimo ducentesimo tricesimo quarto
Source (click image below to view full size)
Markups
Names Markup:
Omnibus Christi fidelibus hoc scriptum visuris vel audituris de Carric et de Cunigham Decani et Magister scolarum de Are eternam in Domino salutem Mandatum domini Pape in hec verba suscepimus []embed Cum ergo hujus auctoritate mandati dicti Abbas et conventus de Passelet Duugallum filium Cristini quondam judicis de Levenax coram nobis in judicio convenissent super quadam terra quam habuit ex orientali parte ecclesie de Kylpatrik et super quadam alia terra super amnem de Clud que Cultbuthe nuncupatur quas quidem terras dicti monachi dicebant ab ecclesia de Kylpatrik in ipsum et in predecessores suos injuste fuisse alienatas cum et idem Duugallus in diem a nobis precise prefixum ad litem sine omni exceptione [vel] cavillatione contestandam consensisset dicto die coram nobis comparens intentioni monachorum respondere noluit sed contumaciter recessit unde nos de consilio virorum prudentum et juris peritorum propter contumaciam ipsius manifestam partem monachorum in possessionem terrarum petitarum causa custodie induci decrevimus et de Renfru et de Guvan Capellanis decreti nostri executionem demandavimus Cum igitur dictus Duugallus infra annum cautionem de parendo juri offerre non curasset nos secundum juris ordinem contra ipsum procedentes veram possessionem predictarum terrarum ex secundo decreto memoratis monachis adjudicavimus Salva predicto Duugallo super ipsis terris questione proprietatis Actum in parochiali ecclesia de Are in crastino Sancti Michaelis anno gratie Millesimo ducentesimo tricesimo quarto