Charter Document - 06190174
| Charter Number: | 06190174 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1251 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus Christi fidelibus tam presentibus quam futuris Maldovenus comes de Levenax salutem Sciatis nos anno incarnationis dominice M ducentesimo quinquagesimo secunda dominica quadragesime apud Belach dedisse concessisse et hac carta mea confirmasse Deo et Sanctis Jacobo et Mirino et monachis monasterii de Passelet in puram liberam et perpetuam elemosinam unam pasturam terre de Levenax ex aquilonari parte terre sue de Backan sicut Radulfus capellanus domini Regis quondam in vita sua eandem tenuit per istas divisas scilicet sicut quidem wacellus exit de Lochbeth et cadit versus aquilonem in illam aquam que vocatur Cornenade et per eandem aquam versus occidentem usque ad rivulum qui currit ex parte aquilonari de Salvari ubi homines Dufgalli fratris mei quondam habuerunt scalinga et sic usque ad rectas divisas terre sue de Fimbelach Preterea concessi eisdem monachis tam modernis quam posteris sine omni inquietatione et calumpnia et sine omni diminutione et absque aliquo retene mento ut habeant teneant et possideant omnes alias terras suas in comitatu de Levenax per omnes rectas divisas suas sicut ipsi vel aliqui alii plenius et melius tenuerunt vel possiderent eas tempore hujus concessionis mee vel ante ita libere et quiete et honorifice sicut aliqua elemosina in toto regno Scotie liberius quietius et honorificentius ex dono comitis vel baronis tenetur et possidetur Hiis testibus domino Waltero Cumin comite de Menteth Amelech Gilcrist Duncano fratribus meis Mauricio Machgal Mauricio de Luss Umfrido Kylpatrik Sumerledo de Dalcru Amelech juniore Mauricio capellano meo Michaele filio Edolf et multis aliis
Source (click image below to view full size)
