Charter Document - 06190173
| Charter Number: | 06190173 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1235 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Anno ab incarnatione Domini millesimo ducentesimo tricesimo quinto die Sancti Marci evangeliste apud Nigram aulam facta est conventio inter Maldovenum comitem de Levenax ex parte una et Gilbertum filium Samuelis ex altera coram dominis Waltero filio Alani senescallo justiciario Scotie Willelmo abbate de Passelet Malcolmo filio Maldoveni comitis de Levenax Thoma Croc Hugone filio Simonis Simone filio Bercolf et aliis videlicet quod dictus Gilbertus quietum clamat de se et heredibus suis inperpetuum totum jus et totum clameum quod habuit et habere potuit in quadam terra de Levenax que Monachkennaran nuncupatur de qua terra idem Gilbertus predictum Comitem impetebat per litteras domini Regis ita quod nec ipse Gilbertus nec heredes sui ullo tempore in posterum predictum Comitem nec aliquem alium super demanda ipsius terre de Monachkennaran in aliquo molestabant Et sciendum quod dictus Gilbertus reddidit predicto Comiti cartam et confirmationem quas de dicta terra de Monachkennaran habuit renuncians omnimodis instrumentis pro se et heredibus suis siqua postmodum inventa fuerint aliquo tempore facientia mentionem de dicto Gilberto vel heredibus suis que si inventa fuerint cassa erunt et vana et nullum locum alicui optinebunt Pro hac siquidem quieta clamatione predictus Comes ad solutionem sexaginta marcarum argenti dicto Gilberto tenetur de quibus persolvet dicto Gilberto viginti marcas in nundinis de Glasgw proximis et alias viginti marcas ad festum Sancti Martini in hyeme et residuas viginti marcas ad Pentecosten anno incarnationis dominice MCC tricesimo sexto Ad hanc conventionem fideliter tenendam predictus Comes predicto Gilberto plegios invenit scilicet Malcolmum filium suum Thomam Croc et Hugonem filium Simonis et Simonem filium Bercolf In hujus testimonium Walterus filius Alani senescallus justiciarius Scotie et Willelmus abbas de Passelet sigilla sua simul cum sigillo predicti Comitis huic scripto apposuerunt
Source (click image below to view full size)
