Charter Document - 06190171
| Charter Number: | 06190171 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Condemnation |
| Date: | 1233 - 1235 |
| Date type: | Assigned |
| Resource Link(s): |
People of Medieval Scotland |
Charter:
Venerabili patri Willelmo Dei gratia Glasgwensi episcopo Laurentius et Ricardus de Carric et de Cunigham decani et Allanus magister scolarum de Are salutem et debitam reverentiam Paternitati vestre significamus quod cum essemus judices a domino Papa delegati in quadam causa que vertebatur inter Abbatem et conventum de Passelet ex parte una et Gilbertum filium Samuelis de Renfrw ex altera super illa terra de Monachkennaran quam dictus Gilbertus tenuit et adhuc tenet lite coram no bis rite contestata testibus productis attestationibus visis allegationibus partium auditis et totali causa sufficienter examinata quia constabat nobis dictos Abbatem et conventum intentionem suam sufficienter probasse de consilio virorum prudentium et juris peritorum possessionem petite terre eidem sententialiter adjudicavimus et dictum Gilbertum in expensis legitimis eisdem condemnavimus videlicet in triginta libris a parte monachorum juratis et a nobis taxatis et moderatis Vestre igitur paternitati auctoritate apostolica qua fungimur mandamus et injungimus quatinus ob reverentiam domini Pape et obedientiam ei debitam sententiam nostram contra predictum Gilbertum latam executioni demandare dignemini resistentes per censuram ecclesiasticam compescentes Valeat paternitas vestra semper in Domino
Source (click image below to view full size)
