Charter Document - 06190167
| Charter Number: | 06190167 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 - 1239 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod ego Dufgallus rector ecclesie de Kilpatrik frater domini Maldovini comitis de Levenax dedi concessi et hac carta mea confirmavi Deo et Sanctis Jacobo et Mirino de Passelet et monachis ibidem Deo servientibus et inperpetuum servituris totam illam terram que Edinbernan appellatur cum omnibus justis pertinentiis et divisis suis in puram et perpetuam elemosinam quam quidem terram concedo et recognosco ad ecclesiam eorum de Kylpatrik de jure debere pertinere unde volo et concedo ut dicta terra eis nomine dicte ecclesie sue de Kylpatrik inperpetuum remaneat et ut carta quiete clamationis quam dicti monachi mihi et heredibus meis de prefata terra concesserunt vel aliqua alia carta que de ipsa terra fecerit mentionem nullius momenti sit vel firmitatis nec aliquo tempore mihi vel heredibus meis valitura Hiis testibus domino Radulfo capellano domini Regis Andrea capellano de Passelet Rogero senescallo de Passelet Radulfo clerico Gilberto clerico meo Ada de Ness Willelmo et Gwardo clericis et multis aliis
Source (click image below to view full size)
