Charter Document - 06190166
| Charter Number: | 06190166 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1234 - 1239 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus tam presentibus quam futuris Dufgallus frater domini Comitis de Levenax salutem Sciatis me dedisse concessisse et hac carta mea confirmasse Deo Sanctis Jacobo et Mirino de Passelet et monachis ibidem Deo servientibus et inperpetuum servituris in liberam puram et perpetuam elemosinam totam terram de Fimbelach cum medietate de Duncreue et cum quibusdam terrulis que Craginbrentalach et Drunlosset appellantur cum omnibus justis pertinentiis et per omnes suas rectas divisas Tenendas et habendas libere et quiete plene et honorifice sicut alias elemosinas sibi a fidelibus datas et concessas liberius quietius plenius et honorificentius tenent et possident Unde volo et concedo ut carta dictorum monachorum quam mihi et heredibus meis concesserunt super quieta clamatione quarundam terrarum in ipsa carta expressarum nullius sit firmitatis nec aliquo tempore valitura ad predictam donationem meam infirmandam super terris predictis Hiis testibus Luca Andrea capellanis de Passelet Patricio capellano de Kylpatrik Rogero senescallo de Passelet Rogero diacono vicario de Kylberchan Nicholao de Renfru Gilberto clerico meo Willelmo de Cram et Willelmo de Kenmor servientibus de Passelet Alexandro de Smalham Henrico Ruffel et multis aliis
Source (click image below to view full size)
