Charter Document - 06190163
| Charter Number: | 06190163 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1238 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus Christi fidelibus tam presentibus quam futuris Maldovenus comes de Levenax salutem Quoniam usus est et ratio ut ea que provide et rationabiliter fiunt in scriptis redigantur ad notitiam posterorum sciatis nos recognovisse et concessisse Deo et Abbati et conventui monasterii de Passelet totas terras de Cochmanach de Edinbernach de Baccan de Fimbelach de Craguentalach de Dumcreve et de Dallevenach per omnes rectas divisas suas in moris et marisiis in prato et pascuis in stagnis et molendinis in aquis et piscariis in boscis et planis et in omnibus aliis aisiamentis suis quas quidem terras divinam ultionem timentes si rei veritas per nos occultaretur ne falsitas prejudicet veritati aut iniquitas prevaleat equitati solempniter concedimus et recognoscimus esse et fuisse de jure et proprietate ecclesie eorum de Kylpatrik utpote ab antecessoribus nostris Deo et Sancto Patricio antiquis temporibus oblatas et collatas et ab omni exactione temporali liberas et quietas quare volumus ut Abbas et conventus predicti monasterii prenominatas terras nomine dicte ecclesie eorum de Kylpatrik teneant et possideant in puram et perpetuam elemosinam adeo libere quiete plene et honorifice sicut liberius quietius plenius et honorificentius alique elemosine in regno Scotie tenentur et possidentur ex dono comitis vel baronis Volumus etiam ut si aliqua instrumenta aliquo tempore vel loco reperta fuerint que contra hanc recognitionem et concessionem nostram aliquam fecerint mentionem nullius sint firmitatis nec nobis nec aliquibus aliis valitura Et ne ceca oblivione depereat quod super hiis per nos vere et pie recognitum est et concessum hoc scriptum fecimus scribi et sigilli nostri impressione muniri Hiis testibus Johanne de Glendocher Amelec fratre meo magistro Cristino de Strathern Absalone Isaac capellano Sumerlede Malcolmo Beg Gilberto clerico meo et Laurentio clerico domini Abbatis de Passelet Actum apud Belach tertia die Martii anno gratie millesimo ducentesimo tricesimo octavo coram prescriptis testibus et multis aliis
Source (click image below to view full size)
