Charter Document - 06190159

Universis Christi fidelibus tam presentibus quam futuris Maldovenus comes de Levenax eternam in Domino salutem Noverit universitas vestra me intuitu pietatis dedisse concessisse et hac presenti carta mea confirmasse Deo et ecclesie Sanctorum Jacobi et Mirini de Passelet et monachis ibidem Deo servientibus pro salute domini mei Alexandri regis Scotie et pro salute mei ipsius et heredum meorum et pro anima Elizabeth sponse mee et pro animabus omnium parentum meorum in puram liberam et perpetuam elemosinam totam illam terram de Drumthocher et totam illam terram de Drumthecglunan cum omnibus earundem pertinentiis et rectis divisis ita plene sicut Radulfus capellanus domini Regis Scotie aliquo tempore illas terras plenius tenuit Tenendas inperpetuum et habendas in stagnis et molendinis in pratis pascuis et piscariis in bosco et plano in viis semitis in moris et maresiis et in omnibus aliis aisiamentis et libertatibus adeo libere et quiete sicut aliqua elemosina in toto regno Scotie de dono comitis vel baronis liberius et quietius tenetur et possidetur Salva tenemento predicti Radulfi capellani domini Regis in vita sua dummodo singulis annis quoad vixerit predictis monachis de Passelet reddiderit tres marcas argenti et unam celdram farine et unam celdram brasii quas de illis terris per predictum Radulfum solebam percipere Reddidi etiam corpus meum domui supradicte et ibidem elegi sepulturam et volo ut post obitum meum de firma predictarum terrarum in domo de Passelet fiat anniversarium meum et uxoris mee Hiis testibus magistro Michaele decano de Levenax Malcolmo filio meo Amelec Malcolmo Duncano fratribus meis Simone filio Simonis filii Bertulfi Gilberto et Luca de Levenax clericis Rogero vicario de Kyllenan Rogero vicario de Kylberchan Malcolmo Beg Willelmo filio Bede Galfrido Marscallo Alexandro de Smalham clerico et multis aliis