Charter Document - 06190158
| Charter Number: | 06190158 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1222 - 1228 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis tam presentibus quam futuris Maldovenus comes de Levenax salutem Sciatis me divine charitatis intuitu et pro salute domini mei Alexandri regis Scotie necnon et pro salute mei ipsius et heredum meorum et pro animabus patris mei et matris mee et omnium parentum meorum defunctorum dedisse concessisse et hac presenti carta mea confirmasse Deo et Sancto Jacobo et Sancto Mirino de Pasleto et monachis ibidem Deo servientibus ecclesiam de Kilpatrik cum omnibus justis pertinentiis suis Tenendam et possidendam in liberam et perpetuam elemosinam adeo libere quiete et honorifice sicut aliqua ecclesia in toto regno Scotie ex dono patronorum liberius quietius et honorificentius tenetur et possidetur Hiis testibus Waltero filio Alani domini Regis Scotie senescallo Radulfo capellano domini Regis Alano Crok Rogerio filio Glaii Malcolmo Beg Nicholaio Corbet Willelmo filio Bede et multis aliis
Source (click image below to view full size)
