Charter Document - 06190156
| Charter Number: | 06190156 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis presentibus et futuris Douenaldus Makgilcriste dominus de Tarbard eternam in Domino salutem Noveritis me devota mente concessisse et per presentem cartam meam pro salute animarum antecessorum meorum et pro salute anime mee in puram et perpetuam elemosinam dedisse pro me et heredibus meis Deo Sancto Jacobo et Sancto Mirino de Passelet ac monachis ibidem Deo servientibus et inperpetuum servituris liberam licentiam amputandi capiendi et abducendi omnimodum meremium eisdem religiosis placens pro edificatione et sustentatione monasterii sui et domus de Passelet infra omnes silvas totius terre mee Do etiam et concedo pro me et heredibus meis eisdem religiosis et hominibus suis inperpetuum tam liberum introitum et exitum cum omnimodis meremiis suis amputatis amputandis et abducendis quam liberam licentiam sine visu serjantis amputandi capiendi et abducendi In cujus rei testimonium presenti carte mee sigillum meum apposui Hiis testibus domino Hugone de Parcliner perpetuo vicario de Kylmacolme domino Nicholaio capellano domino Malcolmo capellano
Source (click image below to view full size)
