Charter Document - 06190147
| Charter Number: | 06190147 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1295 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Malcolmus filius et heres domini quondam Laumanni salutem in Domino sempiternam Noverit universitas vestra me pro me et heredibus meis et pro salute animarum antecessorum meorum dedisse concessisse et hac presenti carta mea confirmasse Deo et Sancto Jacobo et Sancto Mirino de Passelet et monachis ibidem Deo servientibus et inperpetuum servituris in puram et perpetuam elemosinam dimidietatem nummata terre ad ecclesiam de Kyllinan pertinentem cum jure patronatus ejusdem ecclesie et cum omnibus aliis justis pertinentiis suis ad predictam terram et ecclesiam pertinentibus seu de jure aliquo tempore pertinere valentibus et cum omni jure quod mihi vel heredibus meis in eadem terra et ecclesia cum omnibus suis pertinentiis competit vel competiit vel aliquo tempore vel alio aliquo jure competere poterit inperpetuum Et ut omnia et singula premissa robur optineant perpetue firmitatis presenti scripto sigillum meum apposui et quia sigillum meum minus notum est sigillum domini Jacobi senescalli Scotie presenti scripto apponi procuravi Data apud Passelet die sabbati in crastino Sancte Marie Magdalene anno gratie millesimo ducentesimo nonagesimo quinto Hiis testibus magistro Gilberto de Tempilton rectore ecclesie de Rothir Fynlaio capellano domini Jacobi senescalli Scotie perpetuo vicario de Kyllinan Alpino filio Douenaldi Stephano de Kent vicario de Inyrkyp domino Hugone capellano parochiali de Passelet vicario de Kylmacolm et aliis multis
Source (click image below to view full size)
