Charter Document - 06190146
| Charter Number: | 06190146 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1270 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Engus filius Duncani filii Ferkardi salutem in Domino sempiternam Noverit universitas vestra me concessisse et presenti scripto meo dedisse Abbati et conventui monasterii de Passelet plenarium et pacificam possessionem et saisinam nummata terre sue de Kilmor apud Louchgilp cum capella Sancte Marie in eadem nummata terre fundata et cum omnibus aliis pertinentiis libertatibus et aisiamentis ad predictam terram spectantibus sine aliquo retine mento Quare volo et concedo quod predicti Abbas et conventus per se vel per procuratorem suum vice mea et auctoritate ingrediantur et saisinam et possessionem predicte nummata terre cum pertinentiis percipiant habeant teneant et possideant libere quiete et pacifice et de eadem disponant prout melius sibi viderint expedire In cujus rei testimonium huic scripto ad instantiam meam sigillum venerabilis patris domini Laurencii Ergadiensis episcopi una cum sigillo meo est appensum Datum apud Passelet die Mercurii proxima post translationem Sancti Thome martiris anni gratie millesimi ducentesimi septuagesimi Hiis testibus domino Gilberto archidiacono Ergadiensi magistris Adam de Louchmaban et Alexandro Mackennedy domino Alano capellano domini episcopi Ergadiensis Reginaldo filio Macrath Mauricio filio Gilmehesseoch Johanne scriptore Alexandro de Ruthglen Fynlaio de Clourotrich Malmor filio Laumanni Waltero Pycnoch et aliis multis
Source (click image below to view full size)
