Charter Document - 06190144
| Charter Number: | 06190144 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus presentes litteras visuris vel audituris frater Laurentius Dei gratia episcopus Ergadie salutem in Domino sempiternam Noverit universitas vestra nos inspexisse cartas domini Engufii filii Dovenaldi et Dufgalli filii Sifyn necnon Duncani filii Ferkardi et Laumanni filii Malcolmi nepotis ejusdem Duncani super collatione juris patronatus ecclesiarum Sancti Querani in Kentyir que Kilkeran appellatur Sancti Colmaneli in Kentyir et Sancti Finani in Kethromecongal facta Deo Sancto Jacobo Sancto Mirino monasterii de Passelet et monachis ibidem Deo servientibus et inperpetuum servituris ac confirmationes bone memorie domini Alani predecessoris nostri ad optinendum et ad convertendum predictas ecclesias cum vacaverint ad usus suos proprios dictis Abbati et conventui concessas et datas non rasas non abolitas nec in aliqua sui parte vitiatas Nos igitur meritis eorundem religiosorum exigentibus propter hospitalitatem et alia opera misericordie que in dicto monasterio fiunt et de die in diem sumunt incrementum prescriptas tres matrices ecclesias cum capellis suis et omnibus aliis libertatibus suis et justis pertinentiis auctoritate episcopali eisdem Abbati et conventui concedimus damus et presenti scripto nostro confirmamus in proprios usus suos optinendas et convertendas inperpetuum cum ipsas vel aliquam ipsarum vacare contigerit ita libere quiete sicut liberius et quietius alique ecclesie in usus proprios concesse a viris religiosis in regno Scotie possidentur Salvis quartis earundem ecclesiarum ad mensam episcopalem et ad vicarios spectantibus et salvis nobis et successoribus nostris in dictis ecclesiis omnibus episcopalibus Proviso tamen quod dictis ecclesiis honeste et debite deserviatur In cujus rei testimonium hoc scriptum concessionis nostre et confirmationis appositione sigilli nostri roboravimus Datum apud Are die Mercurii proxima post festum Sancti Luce evangeliste anno gratie millesimo ducentesimo sexagesimo nono Hiis testibus fratre Patricio tunc priore conventus fratrum predicatorum de Are dominis Radulfo de Par decano de Are Alano capellano nostro Andrea vicario de Symonton Alexandro Mackennedy et Henrico de Irwin clericis et multis aliis
Source (click image below to view full size)
