Charter Document - 06190143
| Charter Number: | 06190143 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1232 - 1236 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus has litteras visuris vel audituris Stephanus Dei gratia Sodorensis episcopus ecclesie Lesmorensis per dominum Papam cum gestor eternam in Domino salutem Sciatis nos pietatis intuitu dedisse concessisse et hac carta nostra confirmasse Deo et Sancto Jacobo et Sancto Mirino de Passelet et monachis ibidem Deo servientibus ecclesiam Sancti Finani que vulgariter appellatur Kylinan in Kethromecongal in proprios usus cum vacaverit convertendam Tenendam et habendam ita libere et quiete et honorifice sicut aliqui viri religiosi in regno Scotie aliquas ecclesias sibi in proprios usus datas et concessas liberius quietius et honorificentius tenent et possident Salva quarta parte omnium decimarum de eadem ecclesia que ad archidiaconatum spectare dignoscitur et salva vicaria ejusdem ecclesie que per nos tanquam loci dioecesanum taxata est perpetuo ad quartam partem decimarum oblationum obventionum et omnium aliarum rectitudinum de predicta ecclesia provenientium cum aisiamentis tam terre quam herbagii que Mauricius ejusdem ecclesie vicarius tempore hujus nostre concessionis tenuit et possidet Hiis testibus domino Waltero filio Alani domini Regis Scotie senescallo tunc justiciario totius Scotie Angusio filio Dovenaldi domino Henrico filio Reginaldi domino Thoma Croc domino Alano Walens domino Simone filio Simonis domino Cristino archidiacono Lesmoriensi domino Willelmo capellano domino Wardo capellano Roberto de Ellesham persona de Inverkelan et multis aliis
Source (click image below to view full size)
