Charter Document - 06190138
| Charter Number: | 06190138 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1230 - 1246 |
| Date type: | Assigned |
| Resource Link(s): |
Reference Document for this Embedded Document People of Medieval Scotland |
Charter:
Omnibus sancte matris ecclesie filiis tam presentibus quam futuris Duncanus filius Fercher et Laumannus filius Malcolmi nepos ejusdem Duncani eternam in Domino salutem Sciatis nos dedisse concessisse et hac carta nostra presenti confirmasse Deo et sancto Jacobo et sancto Mirino de Passelet et monachis ibidem Deo servientibus in puram et perpetuam elemosinam ecclesiam de Killinan cum omnibus justis pertinentiis suis et cum toto jure quod nobis in eadem ecclesia competiit ratione patronatus Dedimus etiam eis et concessimus illam nummatam terre de Kilmor que jacet super Louchgilp cum capella Sancte Marie in eadem terra fundata Preterea contulimus et concessimus eisdem intuitu pietatis illas tres dimidias nummatas terre quas nos et antecessores nostri apud Kilmun habuimus cum piscariis et omnibus aliis justis pertinentiis suis et divisis et cum toto jure quod nobis in ecclesia de Kilmun competiit ratione patronatus Tenendum et habendum adeo libere et quiete sicut alias elemosinas eis datas liberius et quietius tenent et possident Hiis testibus domino Waltero filio Alani senescallo Scotie justiciario domino Malcolmo filio comitis de Levenax domino Symone Flandrensi et domino Hugone fratre ipsius Luca capellano de Passelet Rogerio senescallo de Passelet Nechten rectore ecclesie de Killinan Rogerio vicario de Kilbarchan Alexandro de Smalham et Willelmo de Cadiou clericis Johanne de Perthec et multis aliis
Source (click image below to view full size)
