Charter Document - 06190137
| Charter Number: | 06190137 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1299 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Memorandum quod die Jovis proxima post festum apostolorum Simonis et Jude anno Domini millesimo ducentesimo nonagesimo nono coram Dominis Roberto thesaurario et Roberto de Stampet canonicis Glasguensibus commissariis domini Sancti Andree Episcopi unici judicis a sede apostolica delegati in causa que vertitur seu verti speratur inter Abbatem et conventum de Passelay actores ex una parte et dominum Laurentium Ergadiensem episcopum reverendissimum ex altera in ecclesia majori Glasguensi Comparuit predictus Laurentius Ergadiensis episcopus per magistrum Nicholaum rectorem ecclesie Sancti Modani procuratorem suum legitime constitutum ex parte una et dicti Abbas et conventus de Passelay ex altera per Venaldum monachum de Passelet procuratorem eorundem legitime constitutum Cessata est causa in hunc modum videlicet quod dictus magister Nicholaus procurator dicti domini Episcopi in jure fatebatur quod jus presentandi ad vicariam ecclesie Sancti Querini in Kentyir pertinet de claro predictis Abbati et conventui et quod dominus Episcopus jus presentandi non habet nec vendicat in eadem ac promisit idem procurator per fidem datam quod dominus Angus qui se gerebat pro vicario in dicta ecclesia resignaret dictam vicariam in manu venerabilis patris Ergadiensis episcopi ac eandem resignationem sigillo ejusdem domini Episcopi consignatam citra festum Sancti Andree apostoli anno Domini superius annotato ad dictos Abbatem et conventum de Passelay se promiserat destinatorum Procurator vero dictorum Abbatis et conventus fide interposita similiter promisit quod prebita sic resignatione predicta et sigillo dicti Episcopi consignata dicti Abbas et conventus predictum Angusium capellanum ad dictam vicariam presentabunt Promisit etiam procurator predicti domini Episcopi per fidem ut prius quod dictus Episcopus Ergadiensis concedat dictis Abbati et conventui consimilem litteram super vicariam ecclesie Sancti Querani qualem sibi concesserat super vicaria ecclesie Sancti Finani in Kethromecongal In cujus rei testimonium presentibus sigilla dictorum judicum sunt appensa jurisdictione judicum nihilominus reservata donec premissa adimpleantur Datum ut superius
Source (click image below to view full size)
