Charter Document - 06190135
| Charter Number: | 06190135 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1253 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Alanus Dei gratia Ergadiensis episcopus omnibus Cristi fidelibus tam presentibus quam futuris ad quorum notitiam presens scriptum pervenerit eternam in Domino salutem Inspeximus cartam nobilis viri Engus filii Dovenaldi super ecclesia de Kelkeran in Kentyir quam contulit intuitu pietatis Abbati et conventui de Passelet et eorum monasterio in liberam et perpetuam elemosinam cum omnibus justis pertinentiis suis longe antequam nos ad curam ecclesie Ergadiensis vocati fuimus et electi Nos igitur attendentes hospitalitatem et alia opera misericordie que in dicto monasterio fiunt et crescunt quotidie dictam ecclesiam de Kelkeran cum omnibus justis pertinentiis suis auctoritate episcopali concedimus et confirmamus in proprios usus cum vacaverit convertendam ita libere et quiete tenendam et habendam inperpetuum sicut aliquas ecclesias sibi in proprios usus datas et concessas tenent et possident liberius et quietius Salva quarta parte ejusdem ecclesie ad mensam episcopalem pertinente et salvis episcopalibus in omnibus de quibus dicti Abbas et conventus facient nobis et successoribus nostris responderi et dicte ecclesie honeste et debite deservire In cujus rei testimonium hoc scriptum concessionis et confirmationis nostre sigilli nostri impressione fecimus communiri Hiis testibus magistro Henrico rectore ecclesie de Cuthquen Johanne de Sancto Andrea rectore ecclesie de Dulfinston magistro Ambrosio organista magistro Godefrido de Wintonia Philippo et Johanne capellanis Roberto et Ricardo clericis nostris et multis aliis Datum apud Passelet die sanctorum martyrum Cosme et Damiani anno gratie millesimo ducentesimo quinquagesimo tertio
Source (click image below to view full size)
