Charter Document - 06190132
| Charter Number: | 06190132 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 - 1295 |
| Date type: | Assigned |
| Resource Link(s): |
People of Medieval Scotland |
Charter:
Sciant omnes tam presentes quam futuri quod ego Angus filius Douenaldi verus frater et amicus domus de Passelet ad exemplum avi mei et patris mei dedi concessi et hac presenti carta mea confirmavi Deo et monasterio de Passelet et monachis ibidem Deo servientibus in puram et perpetuam elemosinam dimidiam marcam argenti de domo mea propria et heredum meorum annuatim et de singulis domibus per omnes terras meas de quibus sumus exit unum denarium singulis annis inperpetuum Dedi etiam et concessi dictis monachis et hominibus suis firmam pacem meam et heredum et hominum meorum cum manu tenemento bone fraternitatis ubicumque fuerint aut venerint per potestatem nostram in terra vel in mari Supplicans amicis meis et precipiens omnibus hominibus meis super meam plenarium foris facturam ut ubicumque invenerint predictos monachos fratres meos et eorum homines ipsos manu teneant et in suis auxilientur negotiis Et si dicti monachi vel eorum litteras Abbatis vel conventus deferentes ad partes nostras causa piscandi aliquando venire voluerint dedi et concessi eisdem licentiam et facultatem piscandi ubique in potestate mea et heredum meorum pro sue voluntatis arbitrio cum omnibus aisiamentis terre mee et heredum meorum congruentibus piscatura et piscatoribus In cujus rei testimonium presenti scripto sigillum meum apposui Hiis testibus Alexandro fratre meo Ferchardo de Buit Duncano fratre suo Throsino Gilberto filio Samuelis Petro clerico Henrico Ruffel Thoma pistore Willelmo de Stragrif Laurentio clerico et multis aliis
Source (click image below to view full size)
