Charter Document - 06190126
| Charter Number: | 06190126 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1262 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus ad quos presens scriptum pervenerit Alanus Dei gratia episcopus Ergadiensis salutem in Domino sempiternam Noveritis nos caritatis intuitu concessisse dedisse et hac carta nostra presenti confirmasse Deo et Sancto Jacobo et Sancto Mirino et monasterio de Passelet et monachis ibidem Deo servientibus et inperpetuum servituris ecclesiam Sancti Colmaneli in Kentyr cum capellis et omnibus justis pertinentiis suis sibi in usus proprios convertendam Quare volumus et concedimus quod predicti monachi predictam ecclesiam cum capellis et pertinentiis suis inperpetuum teneant et possideant ita libere quiete plenaria et honorifice sicut aliqui viri religiosi aliquam ecclesiam cum capellis et pertinentiis sibi in usus proprios concessam et collatam liberius quietius plenius et honorificentius in regno Scotie tenent et possident Salva portione vicarii in illa ecclesia sicut in aliis ecclesiis ejusdem episcopatus et etiam salvis nobis et successoribus nostris quarta parte illius ecclesie que ad mensam episcopalem dignoscitur pertinere et jure episcopi in omnibus et aliorum ordinariorum In cujus rei testimonium sigillum nostrum presentibus litteris est appensum Testibus hiis domino Gilberto archidiacono Ergadiensi magistris Ada de Lochmabam et Roberto de Carric clericis domino Willelmo capellano de Kylmacolm David Syward clerico et aliis Datum apud Passelet die circumcisionis Domini anno gratie millesimo ducentesimo sexagesimo primo
Source (click image below to view full size)
