Charter Document - 06190125
| Charter Number: | 06190125 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1263 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus hoc presens scriptum visuris vel audituris Walterus Senescallus comes de Menthet salutem in Domino sempiternam Noverit universitas vestra me caritatis intuitu pro salute animarum antecessorum meorum in monasterio de Passelet sepultorum concessisse et hac presenti carta confirmasse Deo et Sancto Jacobo et Sancto Mirino predicti loci et monachis ibidem Deo servientibus et inperpetuum servituris donationem quam Dusgallus filius Sysyn predictis monachis fecit et carta sua confirmavit priusquam terram suam de Schyphinche mihi contulit super ecclesia Sancti Colmaneli infra predictam terram sita cum una nummata terre ad predictam ecclesiam spectante cum capella juxta castrum de Schyphinche Quare volo et pro me et heredibus meis concedo quod dicti monachi predictam ecclesiam cum omnibus pertinentiis libertatibus et aisiamentis suis in liberam puram et perpetuam elemosinam inperpetuum teneant habeant et possideant adeo libere quiete et pacifice sicut aliquam aliam ecclesiam de dono baronis vel militis liberius et quietius tenent et possident In cujus rei testimonium huic presenti scripto sigillum meum duxi apponendum Hiis testibus dominis Fynleio de Stragris Johanne de Irschyn militibus Dusgallo filio Sewen Murchardo filio Malcmur Johanne Portar Dunflene fratre Murchardi Reginaldo clerico et aliis multis Datum apud parcum de Irschyn die Jovis proxima post festum Sancti Illarii anno gratie millesimo ducentesimo sexagesimo secundo
Source (click image below to view full size)
