Charter Document - 06190124
| Charter Number: | 06190124 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1261 |
| Date type: | Internal, A.D., Feast |
| Resource Link(s): |
Reference Document for this Embedded Document People of Medieval Scotland |
Charter:
Omnibus sancte matris ecclesie filiis et fidelibus presens scriptum visuris vel audituris Dusgallus filius Sysyn salutem Noverit vestra universitas me caritatis intuitu et de mera voluntate mea et de assensu Johannis heredis mei dedisse concessisse et hac presenti carta mea confirmasse pro salute anime mee Juliane et Johanne sponsarum mearum et antecessorum meorum et successorum Deo et Sancto Jacobo et Sancto Mirino de Passelet et monachis ibidem Deo servientibus et inperpetuum servituris jus patronatus ecclesie Sancti Colmaneli que sita est in terra mea de Kentyr in liberam puram et perpetuam elemosinam cum omnibus pertinentiis terris libertatibus et aysiamentis predicte ecclesie spectantibus vel spectandis et cum capella Sancti Columbe que sita est juxta castrum meum de Schepehinche post decessum Clementis rectoris ejusdem ecclesie Tenendum et habendum predictis monachis de Passelet inperpetuum adeo libere quiete pacifice et honorifice sine omni onere seculari sicut predicti monachi aliquas ecclesias in toto regno Scotie de dono alicujus liberius quietius plenius et honorificentius tenent et possident Insuper dedi et legavi corpus meum ecclesiastice sepulture in monasterio de Passelet sepeliendum ubicumque in fata decesserim sine spe mutandi propositum et tale legatum per aliquod testamentum subsequens in posterum conditorum In cujus rei testimonium presenti scripto sigillum meum apposui Hiis testibus domino Waltero Senescallo comite de Menteth dominis Thoma Croc et Fynleio de Stragris militibus magistro Symone de Bygres precentore Glasguensi magistro Ada de Lochmaban domino Willelmo capellano de Passelet David Syward clerico et multis aliis Datum apud Passelet die dominica in ramis palmarum anno gratie millesimo ducentesimo sexagesimo primo
Source (click image below to view full size)
