Charter Document - 06190123
| Charter Number: | 06190123 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1248 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus sancte matris ecclesie filiis presens scriptum visuris vel audituris Johannes Dei gratia prior ecclesie sancti Andree apostoli in Scotia ejusdemque loci conventus humilis eternam in Domino salutem Sciatis quod inspectis cartis quas dilecti fratres nostri Abbas et conventus de Passelet habent a bone memorie Willelmo et venerabili patre nostro David Dei gratia Sancti Andree episcopis super ecclesiis de Innyrwic et Lygarwod in proprios usus habendis et super taxatione vicariarum in eisdem ecclesiis nos factum eorum super premissis approbantes et operibus pietatis quantum in nobis est auctoritatem et assensum prestantes easdem ecclesias dictis Abbati et conventui presentibus et futuris auctoritate presentium concedimus et confirmamus Tenendas et habendas adeo libere et quiete sicut aliqui viri religiosi aliquas ecclesias sibi in proprios usus datas et concessas in episcopatu Sancti Andree liberius et quietius tenent et possident Salvis portionibus que ad sustentationem vicariorum dictorum episcoporum auctoritate taxate sunt et assignate videlicet ut vicarius de Innyrwic habeat alteragium cum una acra terre ex occidentali parte cimiterii reddendo inde singulis annis dictis Abbati et conventui septem marcas argenti vicarius vero de Lygardwod habeat totum alteragium preter terram Vicarii vero qui pro tempore in eisdem ecclesiis deservient presentabuntur episcopis et respondebunt de episcopalibus et omnibus oneribus ordinariis Et ut hec concessio et confirmatio nostra robur optineat perpetue firmitatis hanc paginam scribi fecimus gratia testimonii auctoritatis et assensus et ei sigillum capituli nostri autenticum apposuimus Datum anno gratie millesimo ducentesimo quadragesimo septimo die purificationis beate Virginis apud Sanctum Andream teste capitulo
Source (click image below to view full size)
