Charter Document - 06190122
| Charter Number: | 06190122 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1247 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Cristi fidelibus tam presentibus quam futuris David Dei gratia episcopus Sancti Andree eternam in Domino salutem Noveritis nos divine caritatis intuitu ad exemplar felicis recordationis Willelmi predecessoris nostri concessisse et episcopali auctoritate confirmasse Deo et Sancto Jacobo de Passelet et monachis ibidem Deo servientibus et inperpetuum servituris de Innyrwic et Lygardwod ecclesias in usus proprios ita libere et quiete sicut aliqui viri religiosi aliquas ecclesias in episcopatu Sancti Andree liberius et quietius tenent et possident Salvis portionibus que ad sustentationem vicariorum perpetuo remanebunt quas bone memorie dictus predecessor noster auctoritate episcopali hoc modo taxavit et ordinavit videlicet ut vicarius de Innyrwic alteragium habeat cum una acra terre ex occidentali parte cimiterii reddendo inde singulis annis dictis monachis septem marcas argenti nomine pensionis vicarius vero de Lygardwod habeat nomine vicarie totum alteragium preter terram Vicarii autem qui pro tempore in dictis ecclesiis deservient nobis vel successoribus nostris presentabuntur et respondebunt de episcopalibus et de omnibus oneribus ordinariis Et ut hec concessio et confirmatio nostra robur optineat perpetue firmitatis hanc cartam nostram gratia testimonii scribi fecimus et eam sigilli nostri appositione roboravimus Hiis testibus domino Alexandro senescallo Scotie Willelmo de Brechin Thoma filio Randyl David de Graham baronibus et militibus magistris Alexandro de Sancto Martino Willelmo de Cunyngham Alexandro de Edynburgh domino Roberto de Meyssen Gilberto clerico et aliis Datum apud Sanctam crucem die Jovis proxima ante festum Sancti Andree anno gratie millesimo ducentesimo quadragesimo septimo
Source (click image below to view full size)
