Charter Document - 06190121
| Charter Number: | 06190121 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1272 - 1279 |
| Date type: | Assigned |
| Resource Link(s): |
|
Charter:
Omnibus Cristi fidelibus tam presentibus quam futuris Willelmus Dei gratia Sancti Andree episcopus eternam in Domino salutem Noveritis nos divine caritatis intuitu ad exemplar felicis recordationis Willelmi predecessoris nostri concessisse et episcopali auctoritate confirmasse Deo et Sancto Jacobo de Passelet et monachis ibidem Deo servientibus et inperpetuum servituris de Innyrwic et Ligerwod ecclesias in usus proprios ita libere et quiete sicut aliqui viri religiosi aliquas ecclesias in episcopatu Sancti Andree liberius et quietius tenent et possident Salvis portionibus que ad sustentationem vicariorum perpetuo remanebunt quas bone memorie dictus predecessor noster auctoritate episcopali hoc modo taxavit et ordinavit videlicet ut vicarius de Innyrwic alteragium habeat cum una acra terre ex occidentali parte cimiterii reddendo inde singulis annis predictis monachis septem marcas argenti nomine pensionis vicarius vero de Lygerwod habeat nomine vicarie totum alteragium preter terram Vicarii vero qui pro tempore in dictis ecclesiis deservient nobis vel successoribus nostris presentabuntur et respondebunt de episcopalibus et de omnibus oneribus ordinariis Et ut hec concessio et confirmatio nostra robur optineat perpetue firmitatis hanc cartam nostram gratia testimonii scribi fecimus et eam sigilli nostri appositione roboravimus Hiis testibus magistris Willelmo de Eglisham archidiacono Laudonie Thoma de Ayton Alexandro de Riclington Johanne de Kynkel clericis dominis Henrico de Sancto Claro Hugone Gourlay Hugone Kenedy Alexandro de Lamberton militibus Willelmo Baly Roberto Bard et multis aliis
Source (click image below to view full size)
