Charter Document - 06190120

Willelmus Dei gratia episcopus Sancti Andree omnibus hoc scriptum visuris vel audituris eternam in Domino salutem Sciatis nos intuitu pietatis dedisse concessisse et episcopali auctoritate confirmasse Deo et Sancto Jacobo de Passelet et monachis ibidem Deo servientibus et inperpetuum servituris de Innyrwic et Ligerwod eccelesias in usus proprios ita libere et quiete sicut aliqui viri religiosi aliquas ecclesias in episcopatu Sancti Andree liberius et quietius tenent et possident Salvis portionibus que ad sustentationem vicariorum perpetuo remanebunt quas nos auctoritate episcopali hoc modo taxavimus et ordinavimus videlicet ut vicarius de Innyrwic habeat alteragium cum una acra terre ex occidentali parte cimiterii reddendo inde singulis annis dictis monachis septem marcas argenti nomine pensionis vicarius vero de Ligerwod habeat nomine vicarie totum alteragium preter terram Salva tamen possessione Roberti capellani domini Regis qui secundum quod nos de assensu dictorum monachorum ordinavimus in tota vita sua dictam ecclesiam tenebit reddendo inde singulis annis dictis monachis quindecim libras argenti nomine pensionis Vicarii autem qui pro tempore in dictis ecclesiis deservient nobis vel successoribus nostris presentabuntur et respondebunt de episcopalibus et de omnibus oneribus ordinariis Et ut hec donatio nostra robur optineat perpetue firmitatis eam presentis pagine testimonio et sigilli nostri munimine roboravimus Hiis testibus magistro Lauyr archidiacono Sancti Andree domino Andrea de Moravia Roberto de Haya magistro Thoma de Tinmut magistro Ada Ovid magistro Stephano de Lillisclive magistro Ricardo de Moravia et multis aliis